Almatyda atyshýly bloger, "elıtalyq eskorttar" jelisin qurýshy bas bostandyǵynan aıyryldy, dep habarlaıdy "Adyrna" ulttyq portaly.
Bul týraly Áýezov aýdandyq sotynyń baspasóz qyzmeti habarlady.
Jelide birneshe aı buryn "Aıkanyń tizimi" atty aqparat jarııalanǵan bolatyn. Onda túrli óner juldyzdary men beldi adamdardyń da esimi bar.
Ol aqshaǵa seksýaldyq qyzmet kórsetýge daıyn kelbetti qyzdardy izdep, baı klıentterdi tartýmen aınalysqan. Atyshýly tizimi qoǵamda biraz shý týdyrǵan sottalýshy mefedrondy zańsyz ıemdengen, saqtaǵan jáne tasymaldaǵan, sondaı-aq jeńgetaılyq jasaǵany úshin kináli dep tanyldy.
Blogerdiń ústinen eki bap boıynsha qylmystyq is qozǵalǵan.
309-baby “Jezókshelikpen aınalysýǵa prıtondar uıymdastyrý jáne jeńgetaılyq” jáne 297-baby “Esirtki quraldaryn, psıhotroptyq zattardy, olardyń analogtaryn ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý” boıynsha sotqa deıingi is qozǵalǵan.
Is materıaldaryna sáıkes, qyz 2023 jyldyń mamyr aıynda satý maqsatynsyz asa iri mólsherde mefedrondy (psıhotroptyq zatty) zańsyz satyp alyp, ózimen birge zańsyz tasymaldaǵan. Ustaý kezinde polıııa qyzmetkerleri sottalýshynyń sómkesinen psıhotroptyq zat tárkiledi.
«Sonymen qatar, 2020-2023 jyldary M., materıaldyq paıda alý maqsatynda, bir top adam T.-men birlesip, qyzdardy aqsha úshin ıntımdik qyzmetke salǵan. Sottalýshylardyń kinási kýálardyń aıǵaqtarymen, saraptama qorytyndysymen jáne is boıynsha basqa da materıaldarmen dáleldengen», - dep atap ótti sot.
Sot barysynda boıjetken óz kinásin moıyndaǵanymen, onyń sybaılasy bárin joqqa shyǵardy. Prokýror Aıkany 4 jylǵa bas bostandyǵynan, al sybaılasyn 3,5 jylǵa sottaýdy surady.
Sot blogerdi 6 jyl 6 aıǵa bas bostandyǵynan aıyrdy. Sybaılasy 3 jyl 8 aıǵa bas bostandyǵynan aıyryldy.
Sottyń úkimi zańdy kúshine engen joq.
Qazaqstandyqtar Instagram jelisinde «elıtalyq eskort qyzdar» jelisiniń uıymdastyrýshysyn tapty
"Aıka" atymen tanymal blogerdiń Instagram áleýmettik jelisinde 100 myńnan astam jazylýshysy bar. Ol oqyrmandaryna ózin model, bloger retinde tanystyrǵan.
