"Adyrna" ūlttyq portalynyŋ kezektı qonaǧy - psiholog, pedagog, tektanuşy Äliia Saǧymbaeva.
Sūhbat barysynda tūrmystyq zorlyq-zombylyq, el auzynda jürgen sot, adam tegı, qan, ūrpaq, qarǧys, ūltaralyq neke mäselelerı söz boldy.
"Adyrnanyŋ" qonaǧy bügınde qoǧam mäselesıne ainalǧan zorlyq-zombylyq taqyrybyn aşyq köterıp, onyŋ sebebın aitty.
"HH ǧasyrda qazaq jerıne slavian ūlt-ökılderı köp keldı. Olar özımen jerımızge araq-şarap ala keldı. Äsırese soǧystan keiın, tyŋ igeru kezınde. Äskeri tarihşylar bıledı, Stalinnıŋ sondai ükımı bolǧan deidı. Sodan keiın atalarymyzdyŋ jartysy elge oraldy. Negızı soǧysta bolǧan azamattar, äielder bolsyn damyǧan elder solardy psihologiialyq reabilitasiiaǧa jıberedı. Mysaly, Amerika-Vetnam. Reseide de sondai bar. Al ol kezde qaidaǧy psihologiia? Adam öltırıp, körmegen sūmdyqty körıp kelgen. Ary qarai ömır süruı kerek. Mūny jaqsy därıgerler tüsınedı. Post travmatikalyq būzylu deidı. Al osy araq-şarap ışıp alsa adam özın jaily sezınedı. Özın jaqsy sezıngenımen ol ainalasyn qyryp-joiady. Soǧys kezınde alǧanynyŋ bärın araq arqyly şyǧarǧan. Keŋes däuırı kezınde sondai otbasy köp boldy. Balalar sony kördı. Bala ūiasynan körgendı ısteidı. Ol tärbiege de, otbasyǧa da, tärbiege de bailanysty. Köbınese zorlyq-zombylyqqa er azamattar barady ǧoi. Maǧan ondai adamdar kelmegen. Bıraq küieulerınen zorlyq körgen äielder keledı. Olar qatty depressiiada jüredı. Olarmen psihologtar jūmys ısteuı kerek. Bıraq ol äieldıŋ de anasy äkesınen, äjesı atasynan zorlyq körgen. Būl genetika. Ony bıreu toqtatuy kerek. Aitady ǧoi, alma aǧaşynan alys tüspeidı", - deidı tektanuşy maman.https://www.youtube.com/watch?v=PLHfYRO86WA
Ūqsas jaŋalyqtar
