Sý tasqynynan zardap shekken oblys ortalyǵyndaǵy 12 saıajaı ýchaskelerinen sýdy sorý jumystary júrgizilýde.
Atalǵan jumystarǵa tótenshe jaǵdaılar departamenti tarapynan 37 tehnıka, 40-qa jýyq maman jumyldyryldy.
Qazirgi ýaqytta oblys ákimi Narıman Tóreǵalıevtiń tapsyrmasy aıasynda Oral qalasynda sý tasqynynan zardap shekken saıajaı turǵyndarynyń shyǵynyn esepteý jáne materıaldyq kómek tóleý jónindegi arnaıy komıssııa shtattyq rejımde jumys isteýde.
Sý tasqynynan zardap shekken turǵyndarǵa 100 aılyq eseptik kórsetkish kóleminde búgingi kúnge deıin oblys boıynsha 7759 otbasyǵa 2,8 mlrd teńge birjolǵy áleýmettik kómek tólendi. Turǵyndardan túsken ótinishter negizinde tólemderdi tóleý jalǵasýda.
Budan bólek, komıssııa tekserý aktileri aıasynda sýy ketken saıajaılardy qaraýda. Kezeń-kezeńimen barlyq saıajaılar tehnıkalyq zertteýden ótedi.
Atap óterligi, osyǵan deıin turaqty negizde saıajaı turǵyndarymen kezdesýler ótkizildi, aldaǵy ýaqytta da túsindirý jumystary jalǵasatyn bolady.