Ulybrıtanııa karoli III Charlzdyń alǵashqy resmı portreti jelide talqylaý taqyryptarynyń birine aınaldy, dep habarlaıdy “Adyrna” ulttyq portaly.
Sýretshi Djonatan Ieo monarhty qyzyl jáne qyzǵylt reńktermen beınelegen. Sondyqtan jurtshylyq kartınaǵa «qandy» degen laqap at qoıǵan.
Aǵylshyn koroldik otbasy III Karldyń táj kıgennen keıingi portretin kórsetti. Sýrettiń resmı kórsetilimi Býkıngem saraıynda ótti.
Brıtandyq sýretshi Djonatan Ieo 75 jastaǵy monarhty Ýels gvardııasynyń kıiminde beınelegen.
Foto: Instagram (The Royal Family)
Sýrette III Charlzdyń júzi men qoly shynaıy sýrettelgenimen, sýretshi jańashyl ıdeıalarǵa erik bergen. Qalyń shtrıhtardaǵy qyzyl forma «qandy» fonmen biriktiriledi jáne monarhtyń ıyǵyna kóbelektiń ushyp kele jatqan sýreti salynǵan.
Djonatan Ieo veb-saıtynda aıtylǵandaı, sýretshi óziniń qoltańba stılinde erekshe portretti salǵan. Ol olardyń syrtqy túri men aınalasyndaǵy nysandardy sózbe-sóz kóshirýge emes, olardyń sıpatyn berýge basa nazar aýdarady. Ieo sýretke dınamızm berip, dástúrli ótken men qazirgi zamanǵy úrdister arasyndaǵy qarama-qaıshylyqty kórsetkisi kelgen. Al kóbelek III Charlzdyń jańa rólin, sondaı-aq qorshaǵan ortany qorǵaýdy bildiredi eken.
Koroldik akkaýnt Býkıngem saraıynda kartınanyń saltanatty tusaýkeseri týraly beıneni jarııalady. Degenmen, sýret ınternet qoldanýshylaryn beı-jaı qaldyrmaǵany sózsiz. Djonatan Ieonyń kartınasy tóńireginde qyzý pikirtalas júrip jatyr.
Keıbireýler kartınany progressıvti jáne odan monarhııaǵa jańa kózqarasty kórýge bolady dese, al basqalary portretti qorqynyshty dep ataıdy. Qyzyl tústiń kóptigi kórermenderdi mazasyzdandyratynyn da jasyrmaıdy.
Kommentatorlar sýrette “III Charlz tozaqtan shyqqan nemese qanǵa shomylǵan sekildi” dep jazýda. Keı ınternet qoldanýshylary portrette ımperıalızmniń «qandy izi» bar deıdi.
