Prezıdent Qasym-Jomart Toqaev Slovakııa premer-mınıstrine jasalǵan qastandyqty qatań aıyptady, dep habarlaıdy "Adyrna" ulttyq portaly Aqordaǵa siltep.
15 mamyrda Slovakııa premer-mınıstri Robert Fıoǵa qastandyq jasalǵan. QR Prezıdenti bul terrorlyq áreketti qatań aıyptap, mundaı qaraýlyqty múlde aqtaýǵa bolmaıtynyn málimdedi.
"Qazaqstan men Slovakııany uzaq jylǵy dostyq pen ózara tıimdi yntymaqtastyq qatynastar baılanystyrady. Bul ıgilikti iste Premer-mınıstr Robert Fıo eleýli ról atqardy", - delingen Aqordanyń baspasóz qyzmeti taratqan habarlamada.
Memleket basshysy Qasym-Jomart Toqaev Robert Fıonyń tezirek saýyǵyp ketýine tilektestik bildirdi.
