Pavlodar oblysynda oŋtüstık aimaqtardan soltüstıktegı halqy az eldı mekenderge qonystandyruǧa bölıngen biudjettık qarajat ūrlanǧan, dep habarlaidy "Adyrna" ūlttyq portaly.
Oblysta halyq köşıp ketkendıkten 59 eldı meken joiylǧany anyqtaldy.
Is jüzınde qarausyz qalǧan üiler 500 myŋ teŋgeden bastap satyp alynǧan. «Quatty öŋırler - el damuynyŋ draiverı» Ūlttyq jobasyn ıske asyru aiasynda biudjet qarajatyn iemdenudıŋ tūtas shemasy jasalǧan.
Al joba aiasynda üi satyp alu üşın baǧasynyŋ 50%-y öteledı, bıraq berıletın qarjy 4,2 million teŋgeden aspauy kerek ekendıgı körsetılgen. Şyǧynnyŋ jartysyn alu üşın üilerdıŋ qūnyn 8 million teŋgege deiın jasandy türde kötergen.
Baǧdarlama aiasynda qonys audaru tek qaǧaz jüzınde ǧana oryndalǧan. Oblysqa bölıngen 3 jarym mlrd teŋgenıŋ 600 mln. teŋgesı jymqyrylǧany anyqtalǧan.
Prokuratura tekseru materialdaryn Qazaqstan Respublikasy Qylmystyq kodeksınıŋ 190-baby 4-bölıgı boiynşa sotqa deiıngı tergep-tekserulerdıŋ bıryŋǧai tızılımıne tırkedı, tergeu amaldaryn arnaiy prokuror jürgızude.
"Tekseru jalǧasuda", - delıngen Pavlodar oblysynyŋ prokuraturasynyŋ habarlamasynda.
Ūqsas jaŋalyqtar
