"Jigit qyzdy úıge jetektep kirgizgen.." Qytaıdaǵy qazaq qyzynyń ólimine qatysty tyń derek shyqty

7062

Qytaıda jumbaq jaǵdaıda qaza tapqan stýdent qyzdyń týystary ádilettilikke qol jetkize almaı júr. Olardyń aıtýynsha, Sandıra Serikhandy bireýler ádeıi 17-shi qabattan qulatyp jibergen kórinedi, - dep habarlaıdy KTK telearnasy.

Chanchjoýdaǵy eń myqty ýnıversıtettiń birine grantqa túsken qandasymyzdyń ómiriniń sońǵy sátteri taspaǵa da túsip qalypty. Biraq is sýııd dep jabylyp tynǵan.

"Sandıra Serikhan Nur-Sultandaǵy eń maqtaýly gımnazııanyń túlegi. Nebári 16 jasynda qytaı tilin meńgergen qyz birden grantqa oqýǵa túsken. Alaıda, Qytaıǵa arman arqalap ketken qara kózimizdiń elge tabyty keldi. Sondaǵy polıııanyń resmı málimeti boıynsha, sabaǵyn 5-ke oqyp júrgen qyz óz erkimen 17-shi qabattan sekirip ketken", - deıdi telearna tilshisi.

Sandıranyń naǵashy ápkesi Álnur Aǵaeva qyzdyń sýııd jasady degenine senbeıdi. Óıtkeni ol aldynda ǵana vıdeo arqyly úıimen habarlasyp, demalysqa eline kelgeli jatqanyn, baýyrlaryna satyp alǵan bazarlyqtardy kórsetipti.

- Ol jazǵy demalysqa úıge jınalyp jatqan. Sol kúnniń aldynda ǵana vıdeomen sóılestik. Baýyrlaryna satyp alǵan syılyqtaryn kórsetip, anasymen máz-meıram bolǵan. Qyzymyzdy ádeıi óltirip otyr, - deıdi ol.

Qyzdyń ınstagramynan belgili bolǵanyndaı, sol kúni Sandırany Baıan degen basqa bir stýdent klýbqa baraıyq dep qoımaı, aqyry kóndiripti. Onda Madııar jáne Danııar degen dostarymen tanystyrǵan. Kesh sońynda Danııar "páterden bir zat alý kerek" degen syltaýmen birge barýyn ótinip qoımaǵan eken.

Qyz keliskenimen, tabaldyryqtan ári attaǵysy kelmeı turǵany podezdegi taspaǵa túsip qalǵan. Vıdeoda jigit qyzdy jetektep kirgizgen deıdi Álnur Aǵaeva. Birazdan soń Sandıra páterden jylap shyǵady. Ári qaraıǵy jaǵdaı taspadan tys jerde jalǵasqan.

Jigittiń aıtýynsha, qyzdyń 17-shi qabattan qalaı qulap ketkeni esinde joq. Ne úshin jylap júrgenin de túsindirip bere almapty.

- Danııar Imanqulov ol Shymkentten. Qyz nege jylady degen suraqqa jaýap bere almady. Aıtýynsha, ózi de shokta bolǵan, - deıdi Sandıranyń naǵashy ápkesi.

Bilmeımin dep basyn ala qashqan jigit sol kúıi qarasyn batyrypty. Úsheýi de oqý ornyna izdep barǵan qyzdyń ákesimen jolyǵýdan bas tartyp, telefondaryn sóndirip tastapty. Týystary zorlyq-zombylyq jasaldy ma dep kúdiktenedi. Odan qaldy, qyzdyń bir aıaq kıimi terezeniń tusynda qalyp qoıǵan. Odan qaldy, jaqtaýdan saýsaq izderi tabylmapty. Sol sebepti de ony bireýdiń laqtyryp jibergenine senimdi. Biraq muny dáleldeý múmkin bolmaı tur. Sebebi, zańy qatal Qytaı máıitti 30 kún tekseredi eken. Munshama ýaqyt kúte almaǵan otbasy qyzdyń denesin saraptamasyz elge ákelýge májbúr bolǵan.

Al is "sýııd" dep jabylyp tynǵan. Elimizdiń dıplomattary isti qaıta qaraýdy surapty. Biraq qorytyndysy ózgermegen.

- Qytaı tarapy bul isti qaıta qarap shyqty. Isti qaıta qaraý nátıjesi boıynsha jazataıym oqıǵa sanalatyn bop shyqty, - deıdi QR Syrtqy ister mınıstrliginiń resmı ókili Aıbek Smadııarov.

Nebári 19 jastaǵy Sandıra Serikhan úıiniń úlkeni eken. Otbasynda 4 bala. Kishkentaı baýyrlary ápkesi keledi dep kúnde kútip júr. Jalpy, qazaq stýdentteriniń shetelde qaza tabýy birinshi jaǵdaı emes. Máskeýde oqý qabyrǵasynda qulap ólgen Tomırıs Baısafanyń da isi sozbalańǵa salynyp, bir jarym jyldan beri týystary ádilettilik tappaı keledi.

"Adyrna" ulttyq portaly

Pikirler
Redakııa tańdaýy