Bishkekte sheneýnikter jeke kólikterimen júre almaıdy, dep habarlaıdy "Adyrna" ulttyq portaly qyrǵyzstandyq BAQ-qa siltep.
Mundaı bastamany Bishkek qalasynyń basshysy Aıbek Djýnýshalıev kótergen. Endi jańa erejege sáıkes ákimdik qyzmetkerleri aptasyna eki ret qoǵamdyq kólikpen qatynaýǵa mindetti.
Odan bólek, erejede vedomstvolyq jáne aýmaqtyq bólimderdiń, mýnııpaldy kásiporyndar men memlekettik mekemelerdiń qyzmetkerleri seısenbi men beısenbi kúnderi jumysqa qoǵamdyq kólikpen qatynaýy tıis ekeni kórsetilgen.
Nátıjesinde ár sheneýnik avtobýstyń sanıtarlyq tazalyǵyn jáne jolaýshylarǵa qyzmet kórsetý sapasyn baqylap, aı saıyn esep bermek.
Shendilerge kyzmet kólikterin tek jumys ýaqytynda ǵana paıdalanýǵa ruqsat beriledi. Bul bastama qaladaǵy keptelisti azaıtyp, qoǵamdyq kólikke suranysty arttyrady dep josparlanǵan.
