Qazaqstanda 109 zań jobasyna ózgerister men tolyqtyrýlar engizilmek

1612
Adyrna.kz Telegram

Elde109 zań jobasyna ózgerister men tolyqtyrýlar engizilmek. Bul týraly Qaraǵandyǵa barǵan Parlament Májilisiniń depýtattary málimdedi, - dep habarlaıdy "Astana" telearnasy.  Olar túrli salalardy retteıtin qujattardy qaıta qaraý úshin óńirlerdi aralap, tájirıbeli mamandarmen pikirlesýge kirisken. Kezdesý Ishki ister mınıstrliginiń Bárimbek Beısenov atyndaǵy Qaraǵandy akademııasynda ótti. Májilis depýtattarynyń aıtýynsha, bul akademııada bolashaq polıeılerge tájirıbeli zańgerler dáris beretindikten, olardyń pikiri mańyzdy. Parlamentte Ákimshilik, Qylmystyq jáne Qylmystyq is júrgizý Kodeksterine birqatar ózgerister men tolyqtyrýlar engizilmek. Onyń ishinde Atqarýshylyq is týraly zańǵa sot oryndaýshylarynyń jumysyn jeńildetetin birqatar bap engizý josparlanyp otyr. Máselen, sot oryndaýshylardyń óndirgen aqshasyna tyıym salý alynyp tastalmaq. "Jetildiretin zańdar kóp. Sonyń ishinde QK, Qylmystyq is júrgizý kodeksin jetildirýimiz kerek. Qazirgi Ákimshilik kodeksti jetildirýimiz kerek. Sondaı-sondaı zańdardy jetildirý úshin olar Parlament qabyrǵasynda qaralyp jatyr. Soǵan pikir almasý úshin kelip otyrmyz. Solarǵa tolyqtyrýlar men ózgerister engizemiz", - deıdi QR Parlamenti májilisiniń depýtaty.

"Adyrna" ulttyq portaly

Pikirler