Depýtat Dáýlet Turlyhanovtyń uly sottaldy, dep habarlaıdy "Adyrna" ulttyq portaly Stan.kz aqparat agenttigine siltep.
14 mamyr kúni Joǵarǵy sot alqasy erli-zaıypty zańgerler Chernovtarǵa shabýyl jasaǵan Bolat Nurasyldyń isin qaıta qarap, oǵan jańa jaza taıyndady.
2023 jyldyń qazan aıynda depýtattyń uly Bolat Nurasyl advokattardy soqqyǵa jyqqan. Almaty garnızony áskerı sotynyń úkimimen oǵan 500 AEK kóleminde aıyppul salyndy.
Odan bólek, jábirlenýshilerdiń paıdasyna árqaısysy 500 myń teńge moraldyq shyǵyn jáne ókildiń qyzmetine 1 600 000 teńge óndirilgen. Degenmen erli-zaıyptylar jazaǵa rıza emestigin málimdedi.
“Oǵan probaııalyq baqylaýdy qamtamasyz etý júktelgen. Demek ol shetelge shyǵa almaıdy, klýbtar men barlarǵa bara almaıdy, ishimdik iship, basqa da qylmystardy jasaı almaıdy. Probaııa qyzmetine habarlap, saǵat 23.00-de úıde bolýy kerek. Eger ol osy sharttardy buzsa, sot shartty jazany naqty merzimge aýystyryp, ol jazasyn kolonııada óteıdi", - dedi Anna Chernova.
Bolattan jábirlenýshilerdiń paıdasyna apellıaııalyq satydaǵy sotqa qatysý úshin ókildiń qyzmetine 400 000 teńge kóleminde shyǵyn óndirildi.
“Qylmystyq isti qaraý nátıjeleri boıynsha Joǵarǵy sottyń qylmystyq ister jónindegi sot alqasy sot aktilerin ózgertip, Bolatqa 2 jylǵa bas bostandyǵyn shekteý jazasy taǵaıyndaldy. Sondaı-aq árqaısysyna 1 mıllıon teńgege deıin moraldyq zalaldyń ótemaqy mólsheri ósti”, – dep málimdedi Joǵarǵy sot.
