Óskemendegi kóp jyldan beri qaraýsyz, ıen jatqan aýmaqta jańa sporttyq-tabıǵı-ekologııalyq saıabaq boı kóterdi.
Aıta keteıik, ótken jyly oblys ákimi Danıal Ahmetovtiń tapsyrmasymen bul jerde aýqymdy abattandyrý jumystary bastaldy. Nátıjesinde munda tamasha demalys orny paıda boldy.
Aǵymdaǵy jyldyń 15 tamyzynda «Samal» saıabaǵyndaǵy aýqymdy abattandyrý jumystary tolyq aıaqtalady. Óskemende salynyp jatqan jańa saıabaqqa barǵan oblys ákimi Danıal Ahmetov osylaı dedi.
– Bul jer óskemendikter men qala qonaqtarynyń súıikti oryndarynyń birine aınalady. Ras, byltyr osy jumysty bastaǵaly jatqanda, bul áreketimizge kúmánmen qaraǵandar kóp boldy. Óıtkeni bul jer kóp jyl boıy qaraýsyz, ıen jatqan edi. Degenmen biz bir-aq jyldyń ishinde ony adam tanymastaı etip ózgerttik. Jalpy, bul saıabaqty qaladaǵy basqa parkterden tabıǵaty erekshelep turatyn bolady. Eń bastysy, munda kelýshiler sporttyń barlyq túrimen aınalysatyn bolady. Oǵan barlyq jaǵdaı jasalady, – degen aımaq basshysy demalys orny aýmaǵynda atqarylǵan jumystardy oń baǵalap, nysan qoldanysqa ýaqtyly berilýi kerek ekenin aıtty.
Esterińizge sala keteıik, jańa saıabaq Oktıabr aralynda salynýda. Onda zamanaýı jaǵajaı, túrli sporttyq nysandar, júgirý jolaqtary, velosıped joly, rollerdrom, skeıtpark, balalar alańqaılary men fýdkorttar (tamaqtanatyn oryndar), polıııa men medıınalyq pýnkt sııaqty nysandar salýǵa baǵyttalýda. Búginde saıabaqtyń syrtyna kem degende 200 avtomobıl syıatyn kólik turaǵyn da salǵan. Sondaı-aq munda demalýshylarǵa qutqarýshylar men medıına qyzmetkerleri tıisti kómek túrlerin kórsetetin bolady.
Saıabaq aýmaǵyna kólikpen kirýge tyıym salynady. Mundaǵy basty maqsat – demalýshylardyń qaýipsizdigin qamtamasyz etý. Sol sııaqty ıtpen kirem deýshilerge bólek aýmaq beriledi.
– Osy saıabaqta barlyǵy tabıǵı bolýy kerek. Turǵyndar munda tek demalýǵa ǵana emes, tabıǵatqa bir taban bolsyn jaqyndaý úshin kelýleri tıis. Sondyqtan gazondardy qyrqyp, qara jerdi tegisteýdiń de qajeti joq, - dep atap ótti aımaq basshysy.
Aıta keteıik, «Samal» saıabaǵyndaǵy balalarǵa arnalǵan kól men jaǵajaı daıyn boldy.
Qalalyq TÚKSh, jolaýshylar kóligi jáne avtomobıl joldary bóliminiń málimetine sensek, Ertisti janaı aqqan arna qoqystan tolyq tazartylyp, onda taza sý jiberiledi.
Aldaǵy ýaqytta munda balalarǵa arnalǵan oryndyq, shatyr jáne kúnge qyzdyrynyp jatýǵa arnalǵan tósekter qoıylady.
– Kólshik ýaqytyly tazartylyp, ara-tura sýy da aýystyrylyp turady, – dedi «Astas» JShS-nyń dırektory Borıs Nevzorov.
Aımaq basshysy Danıal Ahmetov Óskemendegi Beıbitshilik kóshesinde salynyp jatqan jaıaý júrýge arnalǵan kóshege baryp, qurylys jumystarynyń barysymen tanysty.
Aıta keteıik, jospar boıynsha oblys ortalyǵyndaǵy tuńǵysh jaıaý júrginshilerge arnalǵan kósheniń birinshi bóligi (Saǵadat Nurmaǵambetov jəne Maksım Gorkıı kósheleriniń aralyǵy) qyrkúıek aıynyń birine deıin salynyp bitýi kerek.
Qurylys qarqynymen tanysqan aımaq basshysy oǵan oń baǵasyn berdi.
– Taıaýda bul aýmaqqa jańa kelbetke ıe bolady. Munda gúlzarlar men kelýshiler demalatyn oryndyqtar qoıylyp, balalar alańqaıy men sýburqaq salynady, – dedi Danıal Ahmetov.
"Adyrna" ulttyq portaly
