Uly Otan soǵysyndaǵy Jeńis kúnine arnalǵan merekelik shara Aqmola oblysynyń ákimi Marat Ahmetjanovtyń qatysýymen Kókshetaý qalasyndaǵy Keńes Odaǵynyń Batyry Málik Ǵabdýllınniń eskertkishine jáne Keńes Odaǵynyń eki márte Batyry Talǵat Bıgeldınovtyń bıýstine gúl shoqtaryn qoıý rásimimen bastaldy.
Bıylǵy jyly Jeńis kúnine arnalǵan is-sharalar Reıhstagqa Jeńis týyn tikken qazaq, Halyq Qaharmany Rahymjan Qoshqarbaevtyń 100 jyldyǵyn jáne Keńes Odaǵynyń batyry, Halyq Qaharmany jáne Táýelsiz Qazaqstannyń Tuńǵysh Qorǵanys mınıstri Saǵadat Nurmaǵambetovtyń týǵanyna 100 jyldyǵy aıasynda atalyp ótilýde.
Óńir basshysy qurmetti qaraýyldyń jáne úrmeli aspaptar orkestiriniń súıemeldeýimen gúl shoqtaryn qoıyp, qan maıdanda sheıit bolǵan ardagerlerdi bir mınýt únsizdikpen eske aldy.
Odan ári oblys basshysy bastaǵan sherý Dańq alleıasymen Máńgilik alaýǵa qaraı júrip ótti.
«Memleket basshysy Qasym-Jomart Toqaev «Jeńis kúni – halqymyzdyń eren erligi men birliginiń, qaharmandyǵynyń sımvoly bolyp sanalady» dep aıtqan bolatyn. Babalarymyzdyń baǵa jetpes batyrlyǵynyń arqasynda – biz búgin beıbit elde, baqytty ómir súrip jatyrmyz. Búgin sol qasiretti soǵys jyldarynda qaza tapqandardyń, barlyq maıdandarda habarsyz ketkenderdiń, osy kúnge jete almaǵan babalar esimin eske alyp, urpaq paryzyn oryndaýǵa jınalyp otyrmyz. Jeńiske jetip, soǵystan keıin kúızelgen eldi kóterýge at salysqan, osy shýaqty kúnderge jetpegen azamattardyń jarqyn beınelerin qurmetpen eske alyp, bas ıemiz», - dedi saltanatty sharada sóz sóılegen Marat Ahmetjanov.
Óńir basshysy atap ótkendeı, Aqmola oblysynan 90 myń adam maıdanǵa attanyp, onyń 37 myńnan astamy oralǵan. Aqmolalyqtar barlyq maıdandarda soǵysyp, Máskeý, Stalıngrad, Kýrsk doǵasyndaǵy shaıqastarǵa qatysty. Onyń ishinde 66 aqmolalyq Keńes odaǵynyń Batyry jáne Dańq ordeniniń tolyq kavalerleri boldy. Qazirgi tańda óńirde 5 soǵys ardageri jáne 5 myńǵa jýyq tyl eńbekkeri turady.
Aıta keteıik, Jeńis kúnine arnalǵan merekelik konert «Táýelsizdik» alańynda uıymdastyryldy. Mereke aıasynda óńirde túrli formattaǵy 800-ge jýyq is-shara ótkizildi.