Jelide Kaspıı teńizine batyp ketken eski kemeniń qańqasy tabylǵanyn aıtqan vıdeo tarady. Paıdalanýshylar ony syrtqy túrine baılanysty «Eles kemesi» dep ataýda, - dep habarlaıdy "Adyrna" ulttyq portaly Lada.kz saıtyna silteme jasap.
Áleýmettik jelilerde teńizge batqan eski keme beınelengen vıdeolar jarııalanýda. Kadrlardan kemeniń qanshalyqty tot basqany anyq kórinedi. Beınejazba avtory bul ekinshi dúnıejúzilik soǵystan qalǵan áıgili kemeniń qazir shirip, qırap jatqanyn aıtady.
«Baspaldaqtary shirip ketken, qozǵaltqyshtardyń qosalqy bólshekteri qalǵan. Qarashy, qazirgi kemeler sııaqty jasalmaǵan. Múlde basqasha dánekerlengen», - deıdi kadrdyń ar jaǵyndaǵy adam.
Ardager teńizshilerdiń sózinshe «SSI Aktau» súńgýir ortalyǵynyń dırektory Oleg Morozov bul jaıtty rastady. Sondaı-aq ol Kaspıı teńizinde keme zıratynyń bar ekenin aıtty.
«Ol jerde buryn KSRO kezinde polıgony bolǵan. Paıdalanýdan shyǵarylǵan kemelerge zymyrandar atyldy. Sodan brakonerler sol jerde shekarashylardan jasyrynǵan. Bizde tipti 1881 jyly jasalǵan aǵaıyndy Nobelder dáýirinen qalǵan sýǵa batqan parohodymyz bar», – dedi Oleg Morozov.
