Aqyn Jeltoqsan qaharmanyna arnalǵan shyǵarmashylyq keshiniń qarjysyn tasqynǵa járdemge bólgenin aıtty, dep habarlaıdy "Adyrna" ulttyq portaly.
Aqyn Amanǵazy Káripjan Jeltoqsan qaharmanynyń qurmetine uıymdastyrylǵan shyǵarmashylyq keshten jınalǵan qarjyny sý tasqynynan zardap shekkenderge aýdardy. Bul týraly ol Facebook jelisindegi paraqshasynda jarııalaǵan.
"Teatrda ótken mereıtoılyq shyǵarmashylyq jáne qaıyrymdylyq konerttik keshimdi áýeli tasqyn sý apatyna baılanysty óz qalta qarajatymmen bıletsiz tegin ótkizip, elden salynǵan azǵana aqshany kómek qoryna jiberdim. Sondaı-aq, bul sharany Jeltoqsan qurbany Erbol Sypataevtyń týǵanyna 60 jyl tolýyna arnadym", - dep jazdy aqyn.
Ol baǵdarlamanyń jarnamasyn túrli jeli, toptardan kórip kelgenderge, úlesin qosqan áriptesteri men BAQ ókilderine alǵysyn aıtty.
