Aqmola oblysynda Otan qorǵaýshylar kúni jáne Jeńis kúni qarsańynda «Áskerge shaqyrylýshylar kúni» – aqmolalyqtardy merzimdi áskerı qyzmetke shyǵaryp salý akııasy ótti.
Saltanatty shara Keńes odaǵynyń eki márte batyry, ataqty qazaq ushqyshy, Qazaqstan Respýblıkasy avıaııasynyń general-maıory Talǵat Begeldınovtiń eskertkishine gúl shoǵyn qoıýdan bastaldy.
Is-shara Reıhstagqa Jeńis týyn tikken qazaq, Halyq Qaharmany Rahymjan Qoshqarbaevtyń 100 jyldyǵyn jáne Keńes odaǵynyń batyry, Halyq Qaharmany jáne Táýelsiz Qazaqstannyń Tuńǵysh Qorǵanys mınıstri Saǵadat Nurmaǵambetovtyń týǵanyna 100 jyl tolýyn merekeleýge arnaldy.
Sharada quttyqtaý sóz sóılegen Aqmola oblysy ishki saıasat basqarmasynyń basshysy Almas Alın Otan qorǵaýshylar kúniniń mańyzdylyǵyna toqtaldy.
«Otanǵa adal qyzmet etip, onyń halqyn qorǵaý ár er azamattyń áskerı boryshy jáne mindetti bolyp sanalady. Táýelsizdik jyldarynda Qazaqstanda jaýyngerlik qabiletti armııa quryldy. QR Qarýly kúshteri zamanaýı tehnıkamen jaraqtandyrylyp, áskerı kadrlardyń sapasy artyp keledi. Sonymen birge, áskerı qyzmetshilerdiń áleýmettik máseleleri de birtindep sheshilýde. Oqý-jattyǵýlar únemi ótkizilip turady, onyń barysynda bizdiń ásker joǵary kásibı daıarlyqty, is-qımyldardyń úılesimdiligin jáne tamasha jaýyngerlik daǵdyny kórsetýde. Áskerimizdiń azamattarymyzdyń tynyshtyǵy men egemen elimizdiń shekarasyn qorǵaıtynyna senimdimiz. Osynyń arqasynda bizde beıbitshilik pen kelisimde ómir súrýge, balalardy tárbıeleýge jáne tynysh jumys isteýge múmkindik bar. QR Qarýly kúshteri qataryndaǵy qyzmet árbir qazaqstandyqtyń qurmetti mindeti, aǵa urpaqtyń batyrlyq jaýyngerlik dástúrlerine negizdelgen patrıotızm mektebi boldy jáne bolyp qala beredi», - Almas Alın.
Aqmola oblysynyń qorǵanys isteri jónindegi departamentiniń bastyǵy Talǵat Turabaı jáne «Qazaqstan Respýblıkasy Qarýly kúshteriniń ardagerleri» qoǵamdyq birlestigi Aqmola oblystyq fılıalynyń tóraǵasy Janat Erejepov áskerge shaqyrýshylardy Otan aldynda adal bolýǵa, sondaı-aq, áskerı qyzmetti abyroımen atqarýǵa tilektestikterin bildirdi.
«QR Qarýly qúshteri qatarynda áýe shabýylyna qarsy qorǵanys áskerlerine jatatyn 44813 á/b quramynda áskerı qyzmet ótkerý úshin 40 áskerge shaqyrýshy irikteldi. Olar elınograd aýdanynyń Aqmol aýylynda áskerı qyzmetin óteıtin bolady. Irikteý kezinde jastardyń moraldyq-psıhologııalyq qasıetterine, densaýlyq jaǵdaıyna basty nazar aýdaryldy. Aıta ketý kerek, barlyq áskerge shaqyrylýshylar Otan aldyndaǵy áskerı boryshtyń mańyzdylyǵyn túsinip, sanaly túrde qyzmet etýge barady. Biz Aqmola oblysynyń qorǵanys isteri jónindegi departamentine áskerge shaqyrylýshylar komandasyn ýaqtyly daıyndaǵany, sapaly irikteýi úshin alǵysymyzdy bildiremiz», - dedi 44813 á/b komandıriniń orynbasary Bolat Hámetov.
Sonymen birge, 20 áskerge shaqyrýshy Aqtaý qalasyna áskerı qyzmet ótkerýge attanady.
«Ata-analar úshin búgin erekshe sát – uldarymyzdy ásker qataryna jiberip jatyrmyz. Olardyń Otan aldyndaǵy mindetterin oryndaıtynyna kámil senemiz. Balalarymyzǵa elge abyroıly qyzmet etýdi tileımiz, - dep analyq aq tilegin bildirdi ásekerge shaqyrýshynyń anasy Sáýlesh Moldaǵaısına.
Shara barysynda oblys ákimniń atynan áskerge shaqyrýshylarǵa kerek-jaraqtarmen jabdyqtalǵan rıýkzak tabys etildi.
Sonymen qatar, jıynda birqatar zapastaǵy ofıerler men áskerı qyzmetshiler jas urpaqty áskerı-patrıottyq tárbıeleýge qosqan úlesi úshin Aqmola oblysy ákiminiń alǵys hattarymen marapattaldy.
Uıymdastyrýshylar atap ótkendeı, mundaı akııalar jastardyń jáne áskerı qyzmetshilerdiń barlyq sanattarynyń boıynda patrıottyq sanany, joǵary moraldyq-adamgershilik qasıetterdi, konstıtýııalyq jáne áskerı boryshqa adaldyq ıdeıasyn, joǵary jaýapkershilik pen tártipti qalyptastyrýǵa, joǵary moraldyq rýhqa qol jetkizýge jáne qoldaýǵa yqpal etedi. Jastardy áskerı boryshyn oryndaýǵa yntalandyra otyryp, QR Qarýly kúshteriniń oń ımıdjin jáne áskerı qyzmettiń bedelin arttyrady.
