Qosshy qalasynda tuńǵysh memlekettik sport nysany – «ALAN» sporttyq saýyqtyrý kesheni paıdalanýǵa berildi.
Keshen zamanaýı sporttyq jabdyqtarmen jáne barlyq qajetti materıaldyq-tehnıkalyq quraldarmen jabdyqtalǵan. Munda eresekter men balalarǵa arnalǵan basseınder, sport zaly, kúres jáne oıyn bólmesi bar. Sondaı-aq, keshen aýmaǵy abattandyrylǵan kúrkelermen jáne syrttaǵy jattyǵý trenajerlarymen da qamtylǵan. Nysannyń jobalyq qýaty táýligine 300 adamdy quraıdy. Olımpıada tizimine engizilgen sporttyń 10 túrinen sekııalar da bar.
Jańa nysandy aralaǵan Aqmola oblysynyń ákimi Marat Ahmetjanov bul keshenniń jastardyń sporttyq tárbıesin qalyptastyrýda mańyzdy ról atqaratynyn atap ótti.
«Bul óte jaqsy bastama. Sporttyq-saýyqtyrý oryndary árbir qala turǵyny, sondaı-aq, jastar men mektep oqýshylary úshin qoljetimdi jáne fýnkıonaldy bolýy tıis. Ony barynsha tıimdi paıdalanyp, óskeleń urpaqtyń boıyna eńbekke degen syılastyqty sińirý qajet dep sanaımyn», - dedi oblys ákimi.
Aıta keterligi, sporttyq saýyqtyrý ortalyǵy ashylǵanǵa deıin qalada júzý basseıni bolmaǵan edi. Endi basseın úsh aýysymda kúnine 30 adamdy qabyldaı alady.
«Ártúrli jastaǵy jáne sportshylar úshin tamasha syılyq, endi elordaǵa jattyǵý úshin barýdyń qajeti joq. Endi ózimizdiń qalamyzda sportpen aınalysýǵa múmkindik týdy. Bul óte qýantarlyq jaǵdaı», - dep alǵashqy jasóspirim kelýshiler sport kesheniniń múmkindikterin joǵary baǵalady.
Jańa nysanmen qatar elordada biregeı qoǵamdyq mádenı-sporttyq ortalyq ta salynýda. Atalmysh joba Bolat Ótemuratov qorynyń qarajaty esebinen júzege asyrylýda. Aıta ketý kerek, ortalyq ozyq halyqaralyq tájirıbeni eskere otyryp ázirlendi.
Qosshy kormıýnıtı ortalyǵy Qazaqstandaǵy mundaı úlgidegi alǵashqy ortalyq bolmaq. Nysan úsh negizgi aımaqtan – bilim berý, mádenı jáne sporttyq aımaqtardan turady. Sonymen qatar, ortalyqta kınoteatr, terrasaǵa shyǵatyn ashana jáne kovorkıng aımaqtary da ornalastyrylady.
Sapardy qorytyndylaǵan oblys ákimi dene shynyqtyrý-sport kesheni men qoǵamdyq mádenı-sporttyq ortalyqtyń ashylýymen Qosshy qalasy turǵyndarynyń sporttyq jáne mádenı ómiri ózgeretinin atap ótti.
«Bul nysandardyń iske qosylýy bizge Astana aglomeraııasynyń basty mindeti – Qosshy qalasynyń tartymdylyǵyn arttyrý jáne jańa jumys oryndaryn ashýdy júzege asyrýǵa múmkindik beredi», - dep qorytyndylady M.Ahmetjanov.
