Mádenıettiń oshaǵy Almaty qalasynda Saha respýblıkasynyń kúnderi aıasynda ulttyq aspaptardan kórme uıymdastyrldy. Kórme aıasynda Yqylas atyndaǵy Halyq aspaptar mýzeıine 9 eksponat qoıyldy, dep habarlaıdy «Adyrna» tilshisi.
« Ǵasyrlar úni» dep atalatyn kórmege saha sheberleriniń qolynan shyqqan ulttyq aspaptar eksponat retinde qoıyldy. Mádenı is-shara sheńberinde murajaıǵa kelýshiler «Qyl saha» etno tobynyń konertin tamashalady. Onda ulttyq ishekti aspaptarda týyndylar oryndaldy.
Almaty qalasy mýzeıler birlestiginiń dırektory Lázzat Saǵyndyqovanyń aıtýynsha, Saha Respýblıkasynyń eksponattarynń kórmesi elimizde alǵash ret ótkizilip otyr eken.
– Almaty qalasynyń mýzeıler birlestigi men Saha Respýblıkasynyń ulttyq aspaptar mýzeıi arasynda yntymaqtastyq jóninde memorandýmǵa qol qoıylǵan. Sol memorandýmnyń negizinde kórmeni uıymdastyryp otyrmyz.Bıyl elimizge alǵash ret Saha Respýblıkasynyń eksponattarynyń kórmesi qoıyldy, – dedi Almaty qalasy mýzeıler birlestiginiń dırektory Lázzat Saǵyndyqova.
Jalpy, atalmysh kórmege Iakýtııanyń XX-XXI ǵasyrdaǵy ataqty sheberleri jasaǵan aspaby ákelingen. Mýzeıge aǵash, janýarlardyń terisi, múıizi, tuıaǵy syndy tabıǵı materıaldardan jasalǵan ishekti, sadaq ishekti, urmaly mýzykalyq aspaptar jetkizilgen.
Aıta keteıik, is-shara 21 sáýirde bastalǵan. Onyń barysynda túrli kórme uıymdastyrylyp, shyǵarmashylyq kezdesý ótti.
