Qairat Satybaldynyŋ (eks-prezident Nūrsūltan Nazarbaevtyŋ nemere ınısı) būrynǧy äielı Gülmira Satybaldyǧa qatysty ıs sotqa jıberıldı, dep habarlaidy "Adyrna" ūlttyq portaly sybailas jemqorlyqqa qarsy agenttıktıŋ aqparatyna sıltep.
«Agenttık G.Satybaldy men basqa da adamdarǧa qatysty käsıpkerdı zaŋsyz bas bostandyǧynan aiyru, asa ırı mölşerde bopsalau jäne auyr zardaptarǧa äkep soqqan özın-özı basqaru küdıgı boiynşa tergeudı aiaqtady», - delıngen beisenbı künı taratqan habarlamada.
Qazırgı uaqytta proseske qatysuşylar qylmystyq ıs materialdarymen tanysudy aiaqtady.
«Almaty qalasy tergeu sotynyŋ sanksiiasymen G.Satybaldyǧa qatysty «qamauda ūstau» türındegı būltartpau şarasy taŋdaldy. Qylmystyq ıstı jıtı qarau üşın Almaty qalasynyŋ qylmystyq ıster jönındegı mamandandyrylǧan audanaralyq sotyna jıberıldı», - dep tüsındırdı Antikor.
Eske salsaq, Gülmira Satybaldy Universiada-2017 nysandaryn jöndeuge jūmsalǧan qarajatty jymqyru, reiderlık jäne adam ūrlau ısterımen aiyptaluda. Sonymen qatar, ol 2023 jyldyŋ 30 mausymynda Qyzylordada 441 million teŋge kölemınde şyǧyn keltırgenı üşın taǧy segız jylǧa sottaldy.
Ūqsas jaŋalyqtar
