Almatyda mūz aidynynda beitanys äieldıŋ 13 jastaǧy qyz balany ūryp-soqqany turaly aqparat tarady, dep habarlaidy "Adyrna" ūlttyq portaly.
Almatylyq blogerdıŋ jazuynşa, oqiǧa Almaty Arena maŋyndaǧy mūz aidynynda bolǧan. Kezek kütıp tūrǧan sätte äiel jasöspırım qyzǧa agressiia tanytyp, ony soqqyǧa jyqqan. Oqiǧa kuägerı bolǧan bloger jaǧdaidy videoǧa tüsırıp alyp, bırden 102 nömırıne habarlasqanyn mälımdedı. Keiın küdıktı äieldı polisiia alyp ketken.
Blogerdıŋ aituynşa, janjal äieldıŋ kezeksız kırıp, qyzdyŋ üstıne kofe tögıp aluynan bastalǧan. Osydan keiın äiel qyzdyŋ betınen ūryp, jerge jyǧyp, tepkılei bastaǧan. Janjaldy onyŋ küieuı äreŋ ajyratqan.
«Eŋ ökınıştısı – zardap şekken qyz ata-anasyna aitpauymdy ötındı. Sebebı olar ūrsyp, jazalap qoia ma dep qoryqqan. Būl öte alaŋdatarlyq jaǧdai. Qyz bala özınıŋ qūqyǧy bar ekenın, özın qorǧauǧa bolatynyn bılmei me?» – dep jazdy bloger.
Atalǧan oqiǧaǧa qatysty Almaty qalalyq polisiia departamentı tüsınıkteme berdı.
«Küdıktı barlyq män-jaidy anyqtau üşın aumaqtyq polisiia basqarmasyna jetkızıldı. Oǧan qoldanystaǧy zaŋnamaǧa säikes şaralar qabyldandy», – dep habarlady vedomstvo.
Qazırgı uaqytta oqiǧanyŋ barlyq män-jaiy anyqtalyp jatyr.
