Eks-mınıstr Arystanbek Muhamedıuly óziniń 3 mıllıon aılyq alady degen qaýesetti joqqa shyǵardy.
"Dostarym, jalaqymnyń qansha bolatyny áli ózime de belgisiz bolyp turǵanda, ol týraly jalǵan aqparat tarap ketti. 3 000 000 teńge kólemindegi eńbekaqy – jalǵan. Mundaı shyndyqqa janaspaıtyn aqparat taratý kimge paıda ákeletinin bilmeımin, fake news qoldan jasalǵanyna kúmánim joq. Tym ásire siltepti, basqa ne aıtýǵa bolady", - dep jazdy paraqshasynda.
Muhamedıuly mınıstr bolǵan tusta, mádenıet salasy qyzmetkerleriniń jalaqysyn kóterý máselesin birneshe ret kótergenin atap ótti. Osy oraıda ol úkimette istegen jyldary qansha alǵanyn jáne qazirgi eńbekaqysy týraly ashyq aıtty.
"Eger osyndaı aqparat shyndyqqa janassa, árıne qýanar edim, ókinishke qaraı, bul ázirge múmkin emes. Ádettegideı sizderge shynymdy aıtaıyn: mınıstr qyzmetin atqarǵanda eńbekaqym 980 000 boldy... Ulttyq mýzeı dırektory retinde 172 436 teńge eseptelip, qolyma 139 673 teńge beriletin bolady. Bul qyzmettegi meniń sanatym "A1-1", eńbek ótilim mamyr aıyn qosa alǵanda 31 jyl úsh aı boldy", - dedi ulttyq mýzeıdiń jańa dırektory.
Sonymen, Ulttyq mýzeı dırektorlyǵyna 172436 tg aılyq jazylyp, qolyna 139673 teńge alatyn Arystanbek Muhamedıulyna senim bildirgen durys shyǵar.
Esterińizge sala keteıik, Arystanbek myrza mınıstr kezinde 980000 teńge alǵan edi.
"Adyrna" ulttyq portaly
