Aqmola oblysynda El Prezıdenti Qasym-Jomart Toqaevtyń bastamasymen «Taza Qazaqstan» aýqymdy respýblıkalyq ekologııalyq akııasy jalǵasýda. Búgin «Jasyl aımaq» akııasynyń úshinshi aptasy aıasynda aqmolalyqtar aǵash otyrǵyzyp, senbilik ótkizdi.
Ekologııalyq is-sharaǵa belsendi jastarmen qatar beı-jaı qaramaıtyn turǵyndar, bıznes ókilderi, eńbek ujymdary jáne taǵy basqalar óz úlesterin qosty. Oblys boıynsha barlyǵy 62 myńnan astam adam qatysty.
Is-sharaǵa Aqmola oblysynyń ákimi Marat Ahmetjanov qatysty. Óńir basshysy ınternaıonalıst-jaýyngerler alleıasyna jáne «Arqar» monýmentine aǵash otyrǵyzdy.
«Biz óskeleń urpaqty qorshaǵan ortaǵa uqypty qaraýǵa úıretýimiz, tazalyq mádenıetin qalyptastyrýymyz qajet. Tártip bar jerde tazalyq pen jeńis bar», - dedi oblys ákimi.
Jaqynda ata-ana atanǵan jas otbasylar da aýqymdy akııaǵa qosyldy. Osy kúni balalarmen birge olar «Sábı» alleıasyna 30 ataýly aǵash otyrǵyzdy. Ataýly qaraǵaılardy kóp balaly Ámirhanovtar otbasy da otyrǵyzdy.
«Búgingi kún bizdiń otbasymyzdyń jadynda qalady. Biz aǵashtardy otyrǵyzyp qana qoımaı, ekologııalyq tárbıeniń mańyzdylyǵyn úlgi ettip kórsetemiz. Úlken balalar alleıaǵa kelip, kóshetterin kútip-baǵýdy qalaıdy», - dedi Aqtoty Ámirjanova.
Aıta keteıik, Kókshetaý qalasynda 8000-ǵa jýyq adam akııaǵa qatysty. 3500 m3 qoqys shyǵaryldy.
