Memleket basshysy Qasym-Jomart Toqaev qalalyq senbilikke qatysty, - dep habarlaıdy “Adyrna” ulttyq portaly.
«Taza Qazaqstan» respýblıkalyq ekologııalyq akııasy aıasynda Memleket basshysy Qasym-Jomart Toqaev elordanyń Ulytaý alleıasynda ótken qalalyq senbilikke jáne aǵash otyrǵyzýǵa qatysty.
Bul akııaǵa volonterlar, «Jastar» Assambleıasy uıymynyń ókilderi, belsendi ǵylymı, shyǵarmashyl, sportshy jastar, aldaǵy V Dúnıejúzilik kóshpendiler oıyndaryna qatysýshylar, Prezıdenttik jastar kadrlyq rezerviniń músheleri de qoldaý kórsetti.
“Shyn máninde, elimizdi kógaldandyrý, abattandyrý – úlken memlekettik mańyzy bar is. Bul búgin shyǵyp, erteń umytyp ketetin birrettik naýqan emes. Atalǵan jumys turaqty túrde júrgiziledi. Týǵan jerimizdi taza ustaýymyz kerek. Bul – jalpyulttyq másele. Qazaqstanymyz taza bolýy qajet. Las elge qonaq retinde, ınvestor retinde eshkim kelmeıdi. Biraq, eń aldymen, Qazaqstannyń taza, kórikti bolǵany biz úshin, ıaǵnı halyq úshin kerek. Bul kúndelikti ómir saltyna aınalýy qajet. Sondaı-aq bul jumys elorda jáne iri qalalarda ǵana emes, shaǵyn qalalarda, aýdandar men aýyldarda da udaıy uıymdastyrylady. Búkil Qazaqstandy taza ustaý ózimizge, jastarǵa baılanysty. Men jastarǵa senemin. Sondyqtan jastarǵa zor úmitpen qaraımyn” , – dedi Memleket basshysy.
Qasym-Jomart Toqaev sondaı-aq Botanıkalyq baqty aralap, jalpyqalalyq senbilikke qatysyp jatqan turǵyndar men elordalyq kommýnaldyq kásiporyndardyń qyzmetkerlerine alǵysyn bildirdi.
