Memleket basşysy Qasym-Jomart Toqaev qalalyq senbılıkke qatysty, - dep habarlaidy “Adyrna” ūlttyq portaly.
«Taza Qazaqstan» respublikalyq ekologiialyq aksiiasy aiasynda Memleket basşysy Qasym-Jomart Toqaev elordanyŋ Ūlytau alleiasynda ötken qalalyq senbılıkke jäne aǧaş otyrǧyzuǧa qatysty.
Būl aksiiaǧa volonterlar, «Jastar» Assambleiasy ūiymynyŋ ökılderı, belsendı ǧylymi, şyǧarmaşyl, sportşy jastar, aldaǧy V Düniejüzılık köşpendıler oiyndaryna qatysuşylar, Prezidenttık jastar kadrlyq rezervınıŋ müşelerı de qoldau körsettı.
“Şyn mänınde, elımızdı kögaldandyru, abattandyru – ülken memlekettık maŋyzy bar ıs. Būl bügın şyǧyp, erteŋ ūmytyp ketetın bırrettık nauqan emes. Atalǧan jūmys tūraqty türde jürgızıledı. Tuǧan jerımızdı taza ūstauymyz kerek. Būl – jalpyūlttyq mäsele. Qazaqstanymyz taza boluy qajet. Las elge qonaq retınde, investor retınde eşkım kelmeidı. Bıraq, eŋ aldymen, Qazaqstannyŋ taza, körıktı bolǧany bız üşın, iaǧni halyq üşın kerek. Būl kündelıktı ömır saltyna ainaluy qajet. Sondai-aq būl jūmys elorda jäne ırı qalalarda ǧana emes, şaǧyn qalalarda, audandar men auyldarda da ūdaiy ūiymdastyrylady. Bükıl Qazaqstandy taza ūstau özımızge, jastarǧa bailanysty. Men jastarǧa senemın. Sondyqtan jastarǧa zor ümıtpen qaraimyn” , – dedı Memleket basşysy.
Qasym-Jomart Toqaev sondai-aq Botanikalyq baqty aralap, jalpyqalalyq senbılıkke qatysyp jatqan tūrǧyndar men elordalyq kommunaldyq käsıporyndardyŋ qyzmetkerlerıne alǧysyn bıldırdı.Ūqsas jaŋalyqtar
