Shymkentte avtoısternalardy toltyrýǵa arnalǵan gaz quıý stanııasyndaǵy órt suıyq otyndy quıý kezindegi tehnologııalyq proestiń buzylýynan bolǵan. Oqys jaǵdaıdy bir aıǵa jýyq zerttegen arnaıy top osyndaı qorytyndyǵa keldi, - dep habarlaıdy "Astana" telearnasy.
Eske salaıyq, qaıǵyly oqıǵa 7 maýsymda bolǵan edi. Órt saldarynan 20 jastaǵy Erlan Anar qaıtys bolǵan. Denesiniń 98 paıyzy kúıip qalǵan marqum otbasyndaǵy segiz balanyń tuńǵyshy eken. Ol gaz quıý stanııasynda ótken jyldyń kúzinen jumys istep kelgen. Zardap shekken otbasyǵa beriletin materıaldyq kómek mólsheri ázirshe aıtylmady. Al tekserý toby shyqqan qorytyndyny polıııa departamentine joldaıdy. Komıssııa tóraǵasynyń aıtýynsha, sıymdylyǵy 60 tekshe metr avtoısternadan gaz quıý kezinde shlang tolyq buralmaı, ajyrap ketken. Ol kezde ekpini qatty gaz 20 jastaǵy operatordy ushyryp jibergen. Arada on sekýndtaı ýaqyt óter-ótpesten shlang temiri soǵylyp ushqyn paıda bolyp, jarylysqa ákelgen. Avtoısterna júrgizýshisi qashyp úlgergenmen, operator jalyn ortasynda qalyp qoıǵan. Dárigerler úsh kún arpalysqanymen 20 jastaǵy jigit baqılyq boldy. Komıssııa músheleri apatqa seriktestik tarapynan jiberilgen birqatar kemshilik sebep dep túıdi. "Brıgadanyń quramyn tolyq jasaqtamaǵan. Eki adamnyń ornyna bir adamdy jumysqa jibergen, negizi sol. Tehnologııalyq erejeler oryndalmaǵan, osy gaz toltyrý jumystarynyń tehnologııalary jasalmaǵan. Ol tehnıkalyq erejede barlyq tártibi, qandaı qaýipsizdik sharalary bar, qalaı istelýi kerek - bári tolyq jazylýy kerek. Onymen operator tanystyrylýy qajet. Sony tanystyryp oqytý jaǵy bul jerde tolyq júrgizilmeı otyr", - deıdi QR IIDM komıtetiniń Shymkent qalasy boıynsha departament basshysynyń orynbasary Sársenbaı Teńlesbaı.
"Adyrna" ulttyq portaly
