«Taza Qazaqstan» respýblıkalyq ekologııalyq akııasy, «Jasyl aımaq» aptalyǵy aıasynda Jezqazǵan qalasynda 2024 jyldyń 24 sáýirinde 100 tal aǵash otyrǵyzyldy.
Jezqazǵan qalasy ákimdiginiń uıymdastyrýymen kóshet egý naýqanyna «Naýryz» saıabaǵynda «Ulytaý oblysynyń qoǵamdyq damý basqarmasynyń «Jastar resýrstyq ortalyǵy» KMM jastary qatysty.
Maqsat - qala turǵyndaryn qalany taza ustaýǵa, jastardy eńbekke jumyldyrý arqyly, qalany taza ári jasyl qalaǵa aınaldyrýǵa shaqyrý.
Ulttyq volonterlar jelisi Ulytaý oblystyq fılıalynyń jetekshisi Daryn Tóleýbaı turǵyndardy akııaǵa atsalysýǵa shaqyrdy. «Qalamyzdyń kógaldanyp, abattanýy úshin ótkizilip jatqan akııaǵa turǵyndardy belsendi atsalysýǵa shaqyramyn. Sonymen qatar aǵashtardy syndyrmaýǵa, kútip-baptaýǵa, qoldaryńyzdan kelgenshe úılerińizdiń aldyna aǵash otyrǵyzyp, olardy sýaryp turýǵa keńes beremin!» dedi Daryn Tóleýbaı.
Atap óteıik, 27 sáýir qala boıynsha 9000-daı túp aǵash otyrǵyzý josparlanýda.
