Qazaqstan Respýblıkasy Saýda jáne ıntegraııa mınıstrliginiń Almaty qalasy boıynsha Saýda jáne tutynýshylardyń quqyqtaryn qorǵaý departamenti basshysynyń orynbasary Nurlan Ábdıev azamattarǵa ózderiniń aldanyp qalǵanyn túsingen kezde qalaı áreket etý kerektigin nusqady.
Qala turǵyndary olarǵa aldap satylǵan massaj jamylǵylary úshin aqshalaryn qaıtara almaı júrgenin aıtyp, shaǵymdandy. Nurlan Ábdıev quqyq qorǵaý organdarymen birlesip, olar boıynsha kóptegen faktiler júrgizilip jatqanyn atap ótti.
Onyń aıtýynsha, aldanýdyń qurbany bolǵan almatylyqtar Departamentke jazbasha ótinish bere alady. Massaj jamylǵysynyń aqshasyn qaıtaryp alý úshin satyp alý faktisin dáleldeıtin chek nemese kelisim-shart bolýy kerek.
«Siz jamylǵyny satyp alyp, ony qaıta satyp alǵan jerge qaıtaryp bergińiz kelse, satýshyǵa 14 kún ishinde dereý habarlap, sol ýaqyttan keshiktirmeı qaıtarýyńyz kerek. Keıde 2-3 kún ýaqyt ótip ketedi, biraq 14 kún ishinde jamylǵyny qaıtaryp úlgerý kerek. Kóbinese taýardy satýshylar ártúrli qalalarǵa kelip, sol jerde tanystyrylymyn ótkizip jatady. Prezentaııalarda olar qandaı da bir jolmen adamdarǵa bólip tóleý nemese nesıege berý arqyly taýarlaryn ótkizedi. Satyp alýshy úıine baryp, 2-3 kún ótken soń bul taýardyń múldem qajet emestigin túsinedi. Sondaı-aq, bul ónim naryqta 2-3 ese arzan. Sondyqtan azamattardy aqparattandyrý maqsatynda eger qandaı da bir baılanys nomeri qalǵan bolsa, ony WhatsApp arqyly sotqa deıingi shaǵymdy jiberýdi usynamyn. Siz olarǵa 14 kún ishinde habarlasyp, osy taýardy qaıtarýǵa, qońyraý shalýǵa nemese sotqa deıingi shaǵymdy resmı túrde poshta arqyly nemese qolma-qol jiberýge nemese osy kompanııanyń resmı elektrondyq poshtasyna jazýǵa tyrysqanyńyzdy kórsetýińiz kerek», - dedi Nurlan Ábdıev.
Ol Qazaqstanda shaǵymdardy qaraýdyń úsh satyly tetigi bar ekenin aıtty. Birinshi deńgeıde satýshynyń shaǵymdy óz betinshe qaraýy ne daýlardy sotqa deıingi retteý sýbektileriniń qyzmetterine júginýi kózdeledi.
«Birinshi kezeń - tutynýshy satýshyǵa sotqa deıingi shaǵymmen resmı túrde júginýi kerek. Oǵan unamaǵan nárse, qandaı da bir aqaý, taýardaǵy birdeńe durys emes jáne t.b. týraly barlyq talaptaryńyzdy kórsetińiz. Naqty formasy joq. Joǵarǵy jaǵynda satýshynyń ataýy, chekten alynǵan málimetter jazylady. Budan ári júginetin adamnyń (tutynýshynyń) derekteri kórsetiledi. Ortasynda «sotqa deıingi talap» dep jazý kerek. Onda barlyq jaǵdaıdy, ne bolǵanyn, sizge bul taýar unamaıtynyn, nege ony qaıtarǵyńyz keletinin nemese ekórsetilýi kerek bolǵan qyzmet tıisti túrde kórsetilmese, osy qyzmetti baıandaý kerek», - dedi Nurlan Ábdıev.
Bul talap satýshyǵa úsh jolmen beriledi:
- qolma-qol (eki danada). Olardyń birinde satýshy ne alǵany, qashan alǵany jáne qoly týraly mindetti túrde qol qoıýy kerek. Eger JShS mór qoıa alsa;
- kez kelgen Kýrerlik qyzmet arqyly tapsyrysty hatpen (kez kelgen zańdy mekenjaıǵa Qazposhta arqyly);
- elektrondyq poshtaǵa (ol resmı saıtta bolýy kerek).
Siz bul shaǵymdy tapsyrǵannan keıin, 10 kúntizbelik kún ishinde satýshy sizdiń sotqa deıingi shaǵymyńyzǵa sotqa deıingi shaǵymyńyzdy jibergendeı resmı túrde jaýap berýi kerek. Jáne sizdiń shaǵymyńyzda kórsetilgen talaptardy joıýy kerek. Ekinshi deńgeıde shaǵymdardy ýákiletti organ qaraıtyn bolady.
«Satýshy sizdiń talaptaryńyzdy oryndamaǵan jaǵdaıda, siz Almaty qalasy boıynsha Saýda jáne tutynýshylardyń quqyqtaryn qorǵaý departamentine resmı ótinishpen júginýińiz kerek», - dep atap ótti spıker.
Ol buzýshylyqtardy erikti túrde joıýdan bas tartqan jaǵdaıda, josyqsyz satýshylar jaýapqa tartylatynyn túsindirdi. Tek úshinshi deńgeıde shaǵymdardy sot qaraıdy.
