Täjıkstan su tasqynynan zardap şekken qazaqstandyqtarǧa gumanitarlyq kömek jetkızdı. Būl turaly Täjıkstannyŋ tötenşe jaǧdailar jäne azamattyq qorǧanys komitetıne mälımdedı, dep habarlaidy “Adyrna” ūlttyq portaly.
Aqparatqa säikes, gumanitarlyq jükterdı tapsyru räsımı Saryaǧaş qalasynda öttı. Täjıkstan Qazaqstanǧa azyq-tülık, auyz su, qūrylys pen töbe materialdaryn jıberdı. Duşanbe men Hudjandadan 61 vagon men 13 jük kölıgı kelgen. Jüktıŋ jalpy salmaǧy 3,5 myŋ tonnany qūrap otyr.
Saryaǧaşqa Täjıkstannyŋ tötenşe jaǧdailar jäne azamattyq qorǧanys komitetınıŋ basşysy R.Nazarzoda da keldı. Onyŋ aituynşa, bauyrlas qazaq elıne jetkızılgen gumanitarlyq kömek Beibıtşılık pen ūlttyq bırlıktıŋ negızın qalauşy – Ūlt köşbasşysy, Täjıkstan Respublikasynyŋ prezidentı Emomali Rahmonnyŋ tıkelei tapsyrmasy boiynşa jetkızılıp otyr.
Qazaqstannyŋ tötenşe jaǧdailar ministrınıŋ orynbasary men oblys basşysy täjık halqyna jasaǧan kömegı üşın alǧys bıldırdı.
Aita keteiık, būǧan deiın Özbekstan su tasqynynan zardap şekken qazaqstandyqtarǧa 15 jük kölıgımen gumanitarlyq kömek jöneltken. Germaniiadaǧy otandastarymyz da gumanitarlyq kömek jinauǧa kırıstı.
