Senat depýtaty Bıbigúl Jeksenbaı prezıdent Qasym-Jomart Toqaev qol qoıǵan «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» zańǵa qatysty pikirin bildirdi, dep habarlaıdy «Adyrna» tilshisi.
«Ulttyq Quryltaıda kóterilip, qoǵamdyq úlken talqylaýdan ótken taǵy bir asa mańyzdy másele zańmen bekitildi.
Memleket basshysy «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.
Zańda shegýge kelmeıtin temeki ónimderin, veıpterdi, hosh ıistendirgishterdi jáne olarǵa arnalǵan suıyqtyqtardy satýǵa, taratýǵa, sondaı-aq olardy jarnamalaýǵa tyıym salý qarastyrylǵan. Sonymen birge, jastar arasynda quramynda nıkotıni bar zattardyń taralýynyń aldyn alý jáne oǵan qarsy kúresý úshin júıeli sharalar qabyldaýǵa Zań múmkindikter beredi. Bul zań arqyly óskeleń urpaqtyń densaýlyǵyn saqtaý baǵytynda memlekettik keshendi qadam jasalyp otyr.
Ózderińiz biletindeı, keshegi pandemııa kezinde aq halatty abzal jandar óz ómirlerin qaterge tige ár naýqastyń jany úshin kúreske shyqty. Medıına mamandarynyń qoǵamdaǵy mańyzdylyǵy kún saıyn artyp keledi. Alaıda, saılaýshylarmen kezdesý barysynda dál osy medıına mamandarynyń tarapynan quqyqtyq-qarjylyq máseleler jıi kóteriledi. Onyń birsypyrasyn ózim de depýtattyq saýal túrinde Úkimetke joldaǵan da edim.
Memleket basshysy qol qoıǵan Zań medıına qyzmetkerlerin quqyqtyq jáne qarjylyq turǵydan qorǵaý júıesin engizýge jáne olardyń jaýapkershiligin arttyrady»,—dedi ol.
