Memleket basshysy Qasym-Jomart Toqaev Qyrǵyzstan prezıdenti Sadyr Japarovty I dárejeli «Dostyq» ordenimen marapattady, dep habarlaıdy «Adyrna» tilshisi Aqordaǵa silteme jasap.
Saltanatty rásim barysynda Qasym-Jomart Toqaev Sadyr Japarovtyń ekijaqty qarym-qatynastardy damytýǵa jáne nyǵaıtýǵa zor úles qosyp otyrǵanyn atap ótti.
– Qyrǵyzstan – bizdiń ejelden enshisi bir, tamyrlas týysymyz. Eń jaqyn ári senimdi strategııalyq seriktesimiz. Qos halyqtyń baýyrlastyǵy – ózara tıimdi qarym-qatynastyń altyn arqaýy. Bul iske Siz zor úles qosyp kelesiz. Men ony joǵary baǵalaımyn, – dedi Prezıdent.
Memleket basshysynyń aıtýynsha, Qazaqstan Qyrǵyz elimen strategııalyq áriptestik pen odaqtastyqqa negizdelgen yntymaqtastyqty nyǵaıtýǵa múddeli. Biz bolashaqqa birge qadam basamyz. Máńgilik dostyǵymyz ben myzǵymas baýyrlastyǵymyz jalǵasa beredi.
– Siz halyqtarymyz arasyndaǵy ózara tıimdi baılanystardy nyǵaıtýǵa zor eńbek sińirdińiz. Men osyny eskere otyryp, Sizdi I dárejeli «Dostyq» ordenimen marapattaý týraly sheshim qabyldadym. Bul – erekshe qurmet pen shynaıy rızashylyqtyń belgisi. Osy marapat eki eldiń qarym-qatynasyn odan ári damytýǵa yqpal eterine senimim mol. Qazaqstan men Qyrǵyzstannyń dostyǵy máńgi jalǵasa bersin! – dedi Memleket basshysy.
Sadyr Japarov Qasym-Jomart Toqaevqa shyn júrekten alǵys aıtyp, eki el arasyndaǵy strategııalyq seriktestik pen odaqtastyqty odan ári nyǵaıtý úshin bar kúsh-jigerin salýǵa daıyn ekenin málimdedi.
