Aqmola oblysynyń Krasnyı Iar aýylyndaǵy Kópsalaly ınnovaııalyq kolledji oblystyq «TjKB úzdik uıymy» baıqaýynda úzdik dep tanyldy.
Oblystyq bilim basqarmasynyń málimetinshe, kolledj tarıhy sonaý 1939 jyldyń 23 qazanynan bastalady. Alǵashqyda bul aýyl sharýashylyǵyn mehanıkalandyrý mektebi boldy, sodan keıin oqý orny túrlendirilip jańa mamandyqtar ashyldy, ataýy da ózgerdi. Bıyl kolledj óziniń 85 jyldyq mereıtoıyn atap ótkeli otyr.
Kolledj jyl saıyn WorldSkills qozǵalysyna qatysyp jetekshi oryndarǵa ıe bolýda. Kolledj stýdentteri respýblıkalyq, halyqaralyq kásibı sheberlik konkýrstarynyń jeńimpazdary bolyp tabylady. 2023 jyly kolledj stýdenti Albekova Albına Franııadaǵy Abilympics halyqaralyq baıqaýynda Qazaqstan komandasynyń qorjynyna medalon ákeldi.
Kolledj shaǵyn jáne iri bıznes-qaýymdastyq kásiporyndarymen ózara yntymaqtastyq týraly kóptegen kelisimder jasady. Onyń ishinde agrotehnıkalyq baǵyttaǵy 34 kásiporyn jáne qyzmet kórsetý salasyndaǵy 10 kásiporyn. Mundaı yntymaqtastyqtyń jarqyn mysaly kolledj bazasynda «Team-Agro» JShS-men birlesip elevatorlyq jabdyqtardy ázirleý, daıyndaý jáne qurastyrý jónindegi kásiporynnyń ashylýy boldy.
Aıta keteıik, tehnıkalyq jáne kásiptik bilim berýdiń úzdik uıymyn anyqtaýǵa arnalǵan oblystyq konkýrs alty jyldan beri ótkizilip keledi. Erejege sáıkes, kolledjder uıymnyń, pedagogtardyń, stýdentterdiń jetistikterimen portfolıo usynady. Konkýrstyq komıssııa uıym qyzmetiniń sapasyn, bıznes-qoǵamdastyqpen ózara is-qımyldy, konkýrstarǵa, ınnovaııalyq jobalarǵa qatysýdy, bilim alýshylar kontıngentiniń saqtalýyn baǵalaıdy.
Sondaı-aq, kóshbasshylardyń bestigine Chaglınka aýylynyń joǵary agrotehnıkalyq kolledji, agrobıznes jáne servıs kolledji (Astrahan aýyly), ýchınsk qalasynyń joǵary tehnıkalyq kolledji, ýchınsk qalasynyń joǵary pedagogıkalyq kolledji endi.
