Qazaqstanda jyl saiyn 700 adam mas jürgızuşınıŋ kesırınen qaza tabady nemese japa şegedı, dep habarlaidy “Adyrna” ūlttyq portaly QR Işkı ıster vise-ministrı İgor Lepehanyŋ mälımdemesıne sıltep.
«Jyl saiyn el joldarynda mas jürgızuşılerdıŋ kesırınen 500-ge juyq jol-kölık oqiǧasy oryn alady, sonyŋ saldarynan 100-ge juyq adam qaza tauyp, 600-dei adam türlı därejedegı jaraqat alady», - dedı Lepeha särsenbı künı parlamenttıŋ tömengı palatasynyŋ otyrysynda. Atalmyş mälımdeme «Jol qozǧalysy turaly» zaŋǧa engızılgen özgerıster men tolyqtyrulardy talqylau barysynda aityldy.
Onyŋ aituynşa, 2018-2023 jyldar aralyǧynda kölıktı mas küiınde basqarudyŋ 148 myŋ faktısı anyqtalǧan. Onyŋ ışınde 2023 jyly – 22 myŋ jaǧdai tırkelgen.
«Menıŋ oiymşa, būǧan şara qoldanu qajet jäne şeşıluı kerek. Ony qaita qaraudyŋ qajetı joq. Oǧan üş negızdeme bar: bırınşıden, eger adam ışpeitın bolsa, onda oǧan qandai jaza taǧaiyndalatyny qyzyq emes, ekınşıden, bız kuälıgınen aiyrylǧan jürgızuşıler turaly jiı aitamyz, bıraq bmas jürgızuşılerdıŋ kınäsınen qaza tapqandardyŋ otbasylary jaily oilamaimyz da. Üşınşıden, kımnıŋ jürgızuşı kuälıgınen aiyrylyǧanyna şaǧymdanyp qaita jügınetının jäne qanşa adam jügınetının bız bılemız. Qazır ärtürlı kürdelı tehnologiialar bar, bıraq ıs jüzınde mūndai adamdar onşa köp emes», - dep qosty IIM basşysynyŋ orynbasary.
Keibır elderde mūndai adamdardan kölıktı tärkıleu jaǧdailary bar ekenı atap ötıledı. Äzırge Qazaqstanda mūndai şaralar qoldau tappai otyr, bıraq bar şaralardy jūmsartu da orynsyz, sebebı mas jürgızuşılerdıŋ kesırınen bolatyn jol-kölık oqiǧalary azaimai otyr.
«2023 jyly tırkelgenı 22 myŋ, al jalpy bolyp jatqan jaittar sany odan da köp. Bügınde kölıkterdı toqtatu erejelerı qataŋ türde rettelgen, jürgızuşı jol erejesın būzbasa, bız ony toqtatpaimyz. Köptegen elderdegıdei maqsatty reidter jürgızetın bolsaq, būl san ekı ese köp bolar edı», - dedı Lepeha.
Ūqsas jaŋalyqtar
