Sot bilim jáne ǵylym vıe-mınıstrin kináli dep tanyp, 6 mıllıon teńge aıyppul saldy
Bilim jáne ǵylym vıe-mınıstri Elmıra Sýhanberdıeva proessýaldy kelisimge ne úshin barǵanyn túsindirdi. Búgin ony sot zalynda bosatty, dep habarlaıdy Sputnik Qazaqstan tilshisi.
Sottyń sheshimine sáıkes, vıe-mınıstr memlekettik mektepte jekemenshik bilim berý mekemesin ashyp, kásipkerlik qyzmetpen aınalysqany úshin kináli dep tanyldy. Budan bólek, qyzmettik ókilettiligin asyra paıdalanyp, mınıstrlikke qarasty mekemelerge aıfondar men planshetterdi aldyrtqany bar. Osy qylmystar úshin oǵan 6 mıllıon teńgege jýyq aıyppul salyndy.
"Jeke kásipkerlik jumysqa qatysty aıtarym, ol jumys áli bastalǵan joq. Iá, meniń týysqandarym jekemenshik mektepti basqarýdy josparlaǵan. Biraq kredıt endi ǵana alynyp, rásimdeý sharalary júrgizilip jatqan. Jeke mektep tek qyrkúıek aıynda ǵana ashylady degen jospar boldy. Biraq zań bar. Men óz kinámdi moıyndadym. Degenmen, Joǵarǵy sotta áli sheshim bolady dep oılaımyn, sottyń sheshimine áli de shaǵym túsiretin bolamyn", - dedi Sýhanberdıeva jýrnalısterge bergen suqbatynda.
Budan bólek, vıe-mınıstr qyzmetin asyra paıdalanyp, jeke kásipkerlerge aıfon men planshetterdi nege aldyrtqanyn da túsindirdi."Endi, bári balalar úshin ǵoı. Qazaqstannyń túkpir-túkpirinen kópbalaly otbasydan jáne jetim balalar keldi. Olar bir ǵana kitappen ketpesin dep planshetterdi aldyrttyq. Men Joǵarǵy sotqa aryz túsirip, zattaı aıǵaq retinde tárkilengen eki aıfon men planshetterdi qaıtarýdy suraıtyn bolamyn. Men óz jazamdy aldym ǵoı. Balalar bolsa, óz syılyqtaryn alýy qajet. Qaıtarmasa, birdeńe oılastyramyn. Memleket qarjysynan bir tıyn alynǵan joq. Al, erlik jasaǵan taǵy eki balamen sóıleskende, "apaı uıaly telefon armanym edi, sony alyp berseńiz" dedi. Bir bala úsh qaryndasyn ottan alyp shyqty. Ekinshisi eki jasar balany qudyqtan alyp shyqty...", - dedi Sýhanberdıeva.
Osydan keıin vıe-mınıstr suqbatty ary qaraı jalǵastyra almaı, jylap jiberdi.
"Adyrna" ulttyq portaly
