Jandarbek Bekshın Qazaqstanda juqpaly aýrýlardyń taralýy týraly málimet berdi
Qazaqstannyń bas sanıtarlyq dárigeri Jandarbek Bekshın eldiń ońtústik óńirinde turǵyndar Kongo-Qyrym gemorragııalyq qyzbasyn juqtyrǵanyn aıtty, dep habarlaıdy Sputnik Qazaqstan tilshisi.
"9 jaǵdaı tirkeldi. Qyzylorda oblysynda 4 adam jáne Túrkistan oblysynda 4 adam juqtyrǵan. Taǵy bir adam bul aýrýdy Ózbekstan Respýblıkasynan juqtyrypty", - dedi ol ortalyq kommýnıkaııalar qyzmetinde ótken brıfıngte.
Osy oraıda Jandarbek Bekshın shetelge shyǵatyn qazaqstandyqtarǵa saq bolýǵa keńes berdi.
"Óte juqpaly aýrýlardyń bar ekenin esten shyǵarmaýymyz kerek. Mysaly, denge bezgegi. Sońǵy eki jylda 9 qazaqstandyq týrıst osy aýrýǵa shaldyqty. Qazaqstandyqtar Úndistan, Taıland, Vetnam, Sıngapýrde bolyp, ekzotıkalyq dertti juqtyrǵan", - dedi bas sanıtarlyq dáriger.
Sonymen qatar Bekshın tyrysqaq juqtyrǵan 10 naýqas tirkelgenin atap ótti.
"Bul jaǵdaı qysta tirkeldi. Úndistandyq týrıster Shymbulaqqa kelgende belgili boldy. Osy aýrý der kezinde anyqtalyp, Qazaqstannyń basqa óńirlerine taraýǵa jol berilmedi", - deıdi ol.
Sóz sońynda bas sanıtarlyq dáriger shetelde demalǵysy keletin týrısterge dúnıejúzilik densaýlyq saqtaý uıymynyń resmı saıtyna kirip, tıisti aqparat alýǵa keńes berdi.
