Qazaqstandyq erkın küres baluany Azamat Däuletbekov Bışkekte (Qyrǧyzstan) ötıp jatqan Aziia chempionatynda bırınşı oryn ielendı, - dep habarlaidy “Adyrna” Vesti.kz saityna sılteme jasap.
Erkın küresten 86 kelıge deiıngı salmaqta synǧa tüsken Qazaqstan qūramasynyŋ kapitany üş dürkın Aziia chempiony atandy. Ol finalda Özbekstan ökılı Jabrail Şapievtı jeŋıp, qūrlyqtyq turnirde öz komandasyna alǧaşqy altyndy äkeldı.
Jeŋıske jetu jolynda Däuletbekov irandyq Hadi Vafaipurdy (3:1) jäne qytailyq Peilong Lidı (11:0) jeŋdı. Aita keteiık, Azamattyŋ Parij-2024 Olimpiadasyna lisenziiasy bar.
Taǧy bır qazaqstandyq Asyl Aitaqyn da 61 kelıge deiıngı salmaqta altyn üşın beldeskenımen, aqtyq synda kılem iesı Taiyrbek Jūmaşbek uulunan jeŋılıp qaldy. Būǧan deiın Aitaqyn palestinalyq Ali Aburumail (7:0), moŋǧoliialyq Enebold Engbat (11:0) jäne ündılık Akaş Dahiiany (11:0) jeŋgen bolatyn.
Ūqsas jaŋalyqtar
