Qasym-Jomart Toqaev Prezıdent janyndaǵy Ǵylym jáne tehnologııalar jónindegi Ulttyq keńestiń otyrysyn ótkizdi. Jıynda elimizdiń ǵylymı-tehnıkalyq saıasatynyń aldaǵy basymdyqtary aıqyndaldy.
Memleket basshysy qaı zamanda da damýdyń basty kilti ǵylym ekenin atap ótti.
Qazirgi tańda zaman óte jyldam ózgerip jatyr. Biz osy ózgeriske beıimdelýimiz kerek. Áıtpese órkenıet dańǵylynan qalyp qoıýymyz múmkin. Túpki maqsatymyz – kóshke ilesetin emes, sol kóshti bastaıtyn elderdiń qatarynda bolý. Bul maqsat, árıne, óte kúrdeli. Degenmen, ǵylymı jetistikterge jetý qazirgi kezdiń basty talaby bolyp tur.
Jalpy, atalmysh keńes Qasym-Jomart Toqaevtyń sheshimi boıynsha Qazaqstanda ǵylymnyń zamanaýı modelin qalyptastyrýdaǵy alǵashqy qadamdardyń biri retinde quryldy. El basshylyǵyndaǵy osyndaı joǵary konsýltatıvtik-keńesshi organ úzdik álemdik tájirıbege sáıkes keledi, mysaly mundaı uıymdar AQSh, Franııa, Sıngapýr jáne basqa elderde bar. Negizgi mindet — eldegi ǵylymdy damytýdyń basymdyqtaryn aıqyndaý, sondaı-aq Memleket basshysynyń ǵylymı qoǵamdastyqpen tikeleı baılanys arnasyn qalyptastyrý. Sonymen birge, qazir «Ǵylym men tehnologııalyq saıasat týraly» zań jobasy talqylaný ústinde.
Osyǵan oraı, búgingi ótken keńeste Prezıdent otandyq ǵylymdy damytýdyń bes baǵyty boıynsha Úkimetke birneshe tapsyrmalar berdi.
Keńeste taǵy bir mańyzdy qadam jıynda aıtylǵan sheteldik ǵylymı ortalyqtarda jumys istep júrgen ǵalymdarymyzdy elge qaıtarý týraly usynysty qoldaıtynyn aıtty. Memleket elge oralyp, ultqa qyzmet maqsatynda zertteý júrgizýge daıyn ǵalymdarǵa barlyq qajetti qarjylyq-uıymdastyrýshylyq kómek berýge daıyn ekendigin de jetkizdi.
Óıtkeni, elimzde ǵylym salasyndaǵy bilikti kadr tapshylyǵyn sheshý, otandyq ǵylymnyń áleýetin kóterý óte mańyzdy sheshim bolyp tur. Sondyqtan, Q.Toqaev ozyq oıly ǵalymdardy tartý baǵytyndaǵy álemdik tájirıbeni tereń zerttep, kásibıligi joǵary sheteldik mamandardy el ıgiligine jumys istetýdiń barlyq múmkindikterin qarastyrýdy tapsyrdy.
Sebebi, Prezıdent «Ǵalymdar otanymyzdyń ǵylymı-tehnıkalyq damý kóshin bastaýy kerek. Sebebi, ǵylym myqty bolsa, memlekette qýatty bolady»-dedi.