Bügın Aqordada prezident Qasym-Jomart Toqaevtyŋ töraǧalyǧymen Ǧylym jäne tehnologiialar jönındegı ūlttyq keŋestıŋ otyrysy ötıp jatyr, dep habarlaidy «Adyrna» tılşısı Aqordaǧa sılteme jasap.
Jiynda memleket basşysy eldegı qazırgı ahualǧa toqtaldy.
«Jaǧdaidy körıp, bılıp otyrsyzdar, aimaqtarda seksen jyl bolmaǧan joiqyn su tasqyny bolyp jatyr. Köptegen eldı mekendı qarǧyn su basty. Jalpy ahual öte kürdelı.
Qazır Ükımet barlyq qajettı şaralardy jedel türde qabyldap jatyr. Tiıstı tapsyrmalardy berdım, jaǧdaidy baqylauda ūstap otyrmyz. Tabiǧattyŋ tosyn mınezınen basqa da elder zardap şegude. Älemnıŋ är tükpırınde jer sılkınısı, ört, su tasqyny bolyp jatyr. Bır sözben, jahandyq klimat özgerıp, tabiǧi apattar jiılep kettı. Mūndai apattardyŋ aldyn alyp, azamattardyŋ amandyǧyn qamtamasyz etu – asa maŋyzdy mındet. Ǧylym – būl mındettı ıske asyrudyŋ bırden-bır joly»,—dedı ol.
Qasym-Jomart Kemelūly Qazaqstanda ondaǧan jyl boiy ǧylymǧa jete män berılmegenın atap öttı.
«Äsırese, elımızde bolyp jatqan su tasqyny kezınde bılıktı mamandar men ǧalymdardyŋ tapşylyǧy aiqyn sezılıp otyr. Men ǧylymdy damytu turaly ünemı aityp jürmın. Ärine, ǧylymdy bır künde nemese bır jylda damytyp jıberu mümkın emes. Ūzaq uaqyt tabandy jūmys ısteu kerek.
Ökınışke qarai, Qazaqstanda ondaǧan jyldar boiy ǧylymǧa jete män berılgen joq. Şynyn aitu kerek. Elımızdıŋ būrynǧy ǧylymi äleuetı men infraqūrylymyn joǧaltyp aldyq. 40 myŋ ǧalym 90-şy jyldardaǧy qiyn kezeŋde ǧylymnan mülde qol üzdı. Keibır instituttar saqtalyp qalǧanymen, jalpy ǧylym bırtūtas jüie retınde qatty älsırep kettı. Osynyŋ saldary endı körınıp jatyr. Bız elımızdıŋ ǧylymi äleuetın qalpyna keltıruımız kerek.
Al su tasqynyna oralsaq, aldymyzda tūrǧan mındetter – öte kürdelı, auqymdy. Apattan zardap şekken azamattarǧa barlyq qajettı jaǧdaidy jasauymyz kerek. Būl – qomaqty qarajatty talap etetın jūmys. Bıraq bız halyqtyŋ aldyndaǧy mındettemelerımızdı tolyǧymen oryndaimyz. Būl – paryz. Men üşın būl – eŋ maŋyzdy jäne däl qazırgı kezdegı eŋ qajettı jūmys»,—dedı prezident.
