Qazaqstandyq juldyzdar, ánshiler, artıster jáne basqa da medıa tulǵalar Instagram paraqshalarynda 8 sáýirde megapolıste bastalǵan «Almaty – bizdiń ortaq úıimiz» naýqanyna qatysýǵa úndep jatyr.
Olardyń arasynda ánshiler Álisher Kárimov, Roza Rymbaeva, Móldir Áýelbekova, Erbolat Qudaıbergen, Shoqan Maratuly, Saltanat Qudaıbergen, Turar Ydyrys, Qazaqstannyń eńbek sińirgen artısi Baqtııar Taılaqbaev, «Keshıý» toby, sıqyrshy Murat Mutyrǵanov, «MýzArt» tobynyń múshesi Kenjebek Tursynbaıuly, kompozıtor Oktıabr Altaev, telejúrgizýshi Aınur Tóleý, jazýshy Qanat Eskendir, aqyn Almas Ahmetbekuly jáne t.b. bar.
Barlyǵy osy naýqan aıasynda ótetin senbilik ótkizýdi qoldady.
Álisher Kárimovtiń pikirinshe, «Almaty – bizdiń ortaq úıimiz» naýqany - Almaty qalasy ákimdigi qolǵa alǵan ıgi bastama.
«8 sáýirden 8 mamyrǵa deıin jalpyqalalyqsenbilikter, aǵash otyrǵyzý, jaǵalaýlardy, sý aıdyndaryn, saıabaqtardy, skverler men taý bókterin tazartý aptalyǵy uıymdastyrylady. Qala turǵyndary eskertkishterdi tazalaýǵa, aýmaq pen mádenıet nysandaryn tazalaýǵa qatysa alady», - dedi ánshi.
«Tazalyq tabaldyryqtan bastalady», - deıdi qazaqtar. Aýlany taza jáne uqypty ustaý – bul sanıtarlyq talap uana emes, sonymen qatar mádenıettiliktiń belgisi», - dedi ánshi Erbolat Qudaıbergen.
«Tazalyq tabaldyryqtan bastalady», - deıdi qazaqtar. Aýlany taza jáne uqypty ustaý - bul emes tek sanıtarlyq talaptar, sonymen qatar mádenıet pen tilektiń belgisi", - dep atap ótti ánshi Erbolat Qudaıbergen.
Turar Ydyrys almatylyqtarǵa qoqys tastamaýdy jáne ony qoqys jáshigine tastaýdy surady.
«Búgin Arbatty aralap kele jatyp qoqystyń shashylyp jatqanyn kórdim. Ony bizden jasy úlken kommýnaldyq qyzmetkerler jınap júr. Biz kóppiz, al qala jalǵyz. Barshańyzdy bir aıǵa sozylatyn «Almaty – bizdiń ortaq úıimiz» naýqanyna qosylýǵa shaqyramyn. Men qatysamyn, sizder de atsalysyńyzdar!», - dedi Turar Ydyrys storıste.
Kenjebek Tursynbaıuly da megapolıs turǵyndaryn qoǵamdyq oryndardy, trotýarlar men aıaldamalardy tazalaıtyn qyzmetkerlerdi elemeı qoıa salmaýǵa jáne eńbegin baǵalaýǵa shaqyrdy.
«Qorshaǵan ortanyń tazalyǵy men tártibi birinshi kezekte qoǵamǵa, mádenıetimizge jáne sodan keıin jumysshylarǵa baılanysty», - dedi ol.
Aınur Tóleý beı-jaı qaramaıtyn azamattardy áleýmettik jaýapkershilik kórsetýge shaqyrdy.
«Taǵdyryn Almatyǵa baılaǵan árbir adam qalaǵa janashyr bolsa deımiz. Bul óz qalamyz. Jazy men qysy, kóktemi men kúzi de basqa qalaǵa uqsamaıdy, bólek. Bólek qalanyń, erek qalanyń erkin tynystap, taza bolýy - bizdiń áreketimiz ben mádenıetimizge baılanǵan», - dep jazdy Aınur Tóleýov áleýmettik jelidegi paraqshasyna.
Esterińizge sala keteıik, Almatyda «Almaty – bizdiń ortaq úıimiz» naýqany ótip jatyr. Árbirturǵyn qalany damytý men kórkeıtýge úles qosa alady.
Barlyq aqparat almaty.kz saıty men Almaty ákimdiginiń áleýmettik jelilerindegi paraqshalarynda jarııalanady. Sondaı-aq, qaladaǵy banner, plakat jáne afıshalardaǵy arnaıy QR-kod arqyly veb-saıtqa kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.
