Aqtóbede muz aralas sýdyń qursaýynda qalyp qoıǵan kópbalaly otbasy qutqaryldy, dep habarlaıdy "Adyrna" tilshisi turkýstan.kz-ke siltep.
Aqtóbe oblysy Oıyl aýdanyna qarasty Saraljyn aýyldyq okrýginde ýchaskelik polıeı bolyp jumys isteıtin Esbolat Ádilhanov bastaǵan bir top jigit 28-naýryzda túngi saǵat 02:30-da Qobda-Oıyl baǵytyndaǵy tas jolda qalǵan kópbalaly otbasyny sý ortasynan qutqarǵan.
Kópbalaly ata-ana sý ortasynda kólik ishinde qalyp qoıǵan. Otaǵasy Jalǵas Qobda-Oıyl baǵytynda bolǵan.
"27-inen 28-ine qaraǵan túnde Qobda-Oıyl baǵytyndaǵy jolda, Kemer aýyldyq okrýginiń tusynda seńdi sý tasqynyna tap boldyq. Jolda sý deńgeıi kenetten kóterilgendikten, keri burylyp úlgermeı qaldym. Sóıtip, bala-shaǵamyzben kóliktiń ishinde sýdyń qursaýynda qalyp qoıdyq. Sosyn Kemer aýyldyq okrýgindegi Erkin degen aǵamyzǵa habarlasyp, kómek suraǵan edim. Aýylǵa kómektesip júrgen bir top jigit Saraljyn aýyldyq okrýginiń ýchaskelik polıeıi Esbolat Ádilhanovtyń baýyrymyzdyń qyzmettik kóligine minip, bizdi qutqarýǵa keldi", – deıdi Jalǵas.
Kópbalaly otbasyny qutqarý jumysy 1 saǵatqa jalǵasqan.
"Oılanyp turatyn ýaqyt bolǵan joq. Qalaı da bir otbasyny aman alyp qalý kerek edi. Táýekelge bel baıladyq. Ómirlerin táýekelge tikken Kemer aýylynyń azamattaryna alǵys aıtamyn", – deıdi qutqarǵan ýchaskelik polıeı.
Qazir Jalǵas bala-shaǵasymen birge Kemer aýylyna turaqtaǵan.
