Almatyda Abaı atyndaǵy Qazaq ulttyq pedagogıkalyq ýnıversıteti (QazUPÝ) ǵımaratynyń bir bóligi memleket menshigine qaıtaryldy, dep habarlaıdy "Adyrna" tilshisi.
Almaty prokýrorlary vedomstvoda ýnıversıtet ǵımaratynyń respýblıkalyq mańyzy bar tarıh jáne mádenıet eskertkishi sanatyna jatatynyn basa aıtqan.
9 sáýir kúni Almaty qalasy Medeý aýdanynyń prokýratýrasy Abaı atyndaǵy Qazaq ulttyq pedagogıkalyq ýnıversıtetiniń múlkin zańsyz ıelikten shyǵarý faktisin anyqtaǵany aıtty.
"1997 jyly Jekeshelendirý jónindegi aýmaqtyq komıtet, oqý korpýsy ǵımaratynyń bir bóligin 196 000 teńgege zańsyz satty. Sol jyly 62 000 teńgege 26 sotyq jer telimi de zańsyz satylǵan", - delingen Almaty qalasynyń prokýratýrasy habarlamasynda.
Resmı derekterde ýnıversıtet ǵımaraty respýblıkalyq mańyzy bar tarıhı jáne mádenıet eskertkishterine jatayny aıtylǵan. Al jer ýchaskesinde Almaty qalasynyń eń eski sáýlet qurylystarynyń biri - "Eski qaqpa" ornalasqan.
