SCIJ Qazaqstan jýrnalıster klýbynyń músheleri Italııanyń Bardonekkıa qalasynda ótip jatqan SCIJ-2025 halyqaralyq jarysynyń alǵashqy kúninde tórt júldege ıe boldy.
4,5 shaqyrymdyq shańǵy jarysynda áıelder arasyndaǵy senorlar sanatynda Tatıana Nıkolaeva Qazaqstan klýby tarıhynda alǵash ret altyn medal jeńip aldy. Natalıa Kachalova ótken jylǵy nátıjesin qaıtalap, kúmis medal enshiledi. Anastasııa Naýmekaıa alǵash ret 4 km qashyqtyqta jarysqa túsip, qulap qalýyna qaramastan, 19-orynǵa turaqtady.
Senorlar sanatynda Suńqar Qarabalın da ótken jylǵy jetistigin qaıtalap, taǵy da chempıon atandy. Rýslan Sárseev bul jarysta toǵyzynshy oryn ıelendi.
Iýnıorlar sanatynda Egor Ilın Qazaqstan qorjynyna úshinshi altyndy saldy. Dıas Nuraqyn ótken jylmen salystyrǵanda bir satyǵa joǵarylap, besinshi oryn aldy.
Sýper-senorlar sanatynda Sraıl Smaıl ótken jylǵy kórsetkishin jaqsartyp, altynshy orynǵa ıe boldy.
Eki kúnnen keıin Qazaqstan quramasy alyp slalom jáne parallel alyp slalom jarystaryna qatysady.