Oblystyq jedel shtabtyń málimetinshe, tótenshe jaǵdaı jarııalanǵannan beri Qulsary qalasynan 12 myń turǵyn evakýaııalandy. Onyń 5 myńǵa jýyǵy balalar, - dep habarlaıdy "Adyrna" ulttyq portaly QR Tótenshe jaǵdaılar mınıstrligine silteme jasap.
Qulsary turǵyndaryn evakýaııalaý úsh baǵytta júrgizildi: Atyraýǵa, Teńiz vahtalyq lagerine jáne Mańǵystaý oblysynyń Beıneý aýdanyna.
"Qutqarý jumystaryn júrgizý úshin Ulttyq ulannyń tikushaǵy Aqtóbe oblysy Tótenshe jaǵdaılar departamentiniń jeke quramymen Qulsary qalasyna ushty", - dep habarlady Tótenshe jaǵdaılar mınıstrligi.
Jylyoı aýdanyndaǵy medıınalyq uıymdar shtattyq rejımde jumys isteýde. Bul týraly oblystyq jedel shtabta habarlandy.
"Jylyoı aýdanyndaǵy jaǵdaıǵa qaramastan, barlyq medıınalyq uıymdar shtattyq rejımde jumys isteýde. Oǵan qosa, dárigerler men jedel járdem brıgadalary jumyldyryldy. Barlyq evakýaııalanǵandardy dárigerler tekserip jatyr", - delingen habarlamada.
Aýdanda senim telefony iske qosyldy. Kómekke muqtaj turǵyndar +7 778 249 0253 nómirine habarlasa alady.
Buǵan deıin, sáýirdiń 5-inen 6-syna qaraǵan túni Qulsary qalasynyń 4 myńnan astam turǵyny Mańǵystaý oblysyna kóshirilgenin habarlaǵan bolatynbyz.
