Atyraý oblysynyń ákimi Serik Shápkenov birneshe kúnnen beri tasqyn sýdyń aldyn alý jumystaryna atsalysqan turǵyndarǵa alǵysyn bildirdi, dep habarlaıdy «Adyrna» tilshisi.
«Oblysta sý tasqynyna baılanysty jaǵdaı óte kúrdeli. Atyraý oblysynda bes ózen bar. Úsheýi Aqtóbe óńirinen, ekeýi Reseı Federaııasynan bastaý alady. Qazirgi tańda Aqtóbe oblysynan bastalatyn ózenderge qatysty qaýip seıildi. Olar Saǵyz jáne Oıyl ózenderi. Jem ózeni óz arnasynan shyǵyp, keń kólemde jaıylyp, Qulsary qalasyn qorshaýǵa aldy. Sonyń saldarynan eki móltek aýdanǵa sý kirdi. Júzge jýyq turǵyn úıdi sý basty»,—dedi aımaq basshysy.
Atyraý oblysynyń ákimdigi jaǵdaı turaqtalǵan soń arnaıy komıssııa qurylatynyn málimdedi. Olar keltirilgen zalaldy eseptep, materıaldyq shyǵyndardy tóleýmen aınalysady.
