Jelide jasóspirim qyzdyń aıaýsyz soqqyǵa jyǵylǵany túsirilgen vıdeo tarady, dep habarlaıdy «Adyrna» tilshisi otyrar.kz-ke silteme jasap.
Beınejazbadan kelinshektiń jasóspirimge pyshaq ala umtylǵanyn kórýge bolady. Al qorǵanýǵa tyrysqan qyz jan daýysymen aıqaıǵa basyp, jylaı bastaıdy. Jasóspirim soqqydan qashyp qutylýǵa tyrysqan, alaıda nátıje bolmaǵan. Budan ózge áıel ony jeńil jeıdesinen ustap, judyryqpen ura bastaıdy.
Jaǵa ustatarlyq jaǵdaı úıdegi beınebaqylaý kamerasyna túsip qalǵan. Vıdeony redakııaǵa joldaǵan derekkózdiń málimetinshe, oqıǵa 30 naýryzda Shymkent qalasyndaǵy «Nursat» shaǵyn aýdanynda bolǵan. Aıtýynsha, bul páterde mundaı janjaldar jıi oryn alady.
«Anasy týǵan qyzyna pyshaq ala júgirdi. Men olardyń kórshisimin. Olar jaqynda kóship kelgen. Kelinshektiń budan ózge eki nemese úsh kishkentaı balasy bar. Naqty sanyn bilmeımin. Olarǵa kómektesińizdershi», – dep jazdy anonımdi derekkóz.
Qalalyq polıııa departamenti atalǵan fakti boıynsha 31 naýryzda qylmystyq is qozǵalǵanyn málimdedi. Vıdeodaǵy jasóspirim áıeldiń birinshi nekeden týǵan qyzy. Ol qazirgi ýaqytta ákesiniń qamqorlyǵynda.
Kelinshektiń qyzyna munshalyqty qatygezdik tanytýyna ne sebep bolǵany belgisiz. Qazirgi tańda sotqa deıingi tergeý jumystary júrip jatyr.
«Polıııa qyzmetkerleri beınejazbada kórsetilgen tulǵalardy anyqtady. Atalǵan fakti boıynsha 2024 jyldyń 31 naýryzynda qylmystyq is qozǵaldy. Tergeý sharalary júrgizilýde. Saraptama taǵaıyndaldy. Bul is Shymkent qalalyq PB bastyǵynyń baqylaýynda», – dedi polıııa departamenti.
