Nur-Sultanda Astana kúni toılanyp jatyr

1386

Aqmola – Astana – Nur-Sultan

Osydan týra 25 jyl buryn elordany Almatydan burynǵy Aqmola qalasyna kóshirý týraly bastama kóterilgen bolatyn. 1994 jyly sol kezdegi memleket basshysy Nursultan Nazarbaev Parlament otyrysynda osy ıdeıany jarııalady. Alaıda depýtattar usynysty birden qabyldamady. Degenmen, úsh jyldan keıin elordany aýystyrý týraly jarlyqqa qol qoıyldy. Ol kezde qalanyń ataýyn ózgertý jaıynda áńgime bolǵan joq. Araǵa bir jyl salyp, 1998 jyly Aqmola qalasynyń ataýy Astana bolyp ózgertildi. Sol jyly 10 maýsymda Astananyń halyqaralyq tusaýkeser rásimi ótti.

8 jyl boıy Astana kúni maýsymda atalyp keldi. Al 2006 jyldan bastap meıram 6 shildege - Qazaqstannyń tuńǵysh prezıdenti, Elbasy Nursultan Nazarbaevtyń týǵan kúnine aýystyryldy. Bıyl memleket basshysy Qasym-Jomart Toqaevtyń jarlyǵymen Astananyń ataýy Nur-Sultan bolyp ózgertildi.

Bıyl Astana kúnin toılaýda qandaı ózgeris bar?

Bıyl Astana kúnine arnalǵan sharalar úsh esege qysqaryp otyr. Qala ákiminiń orynbasary Erlan Kanalımovtyń aıtýynsha, osy ýaqytqa deıin qala kúni aıasynda 300 shara uıymdastyrylsa, aǵymdaǵy jyly atalǵan kórsetkish 100-ge deıin qysqartyldy. Basym bóligi tegin bolady. Osynyń bárine shamamen 300-400 mıllıon teńge jumsalmaq. Bul qarajat mádenı-sporttyq sharalardy uıymdastyrýǵa ǵana emes, qalany abattandyrýǵa da jiberiledi.

"Astana kúni osymen 21 ret toılanyp otyr. Bul kún elordalyqtardyń ǵana emes, barsha qazaqstandyqtyń súıikti meıramyna aınaldy. Jazǵy ýaqyt, sosyn birneshe demalys kúni bar. Qalaǵa basqa óńirlerden keletin adamdar kóp. Ózimizdiń 1,1 mıllıon turǵynymyz bar. Oǵan qosa, sheteldik týrıster kóp keledi", - dedi Kanalımov ortalyq kommýnıkaııalar qyzmetinde ótken baspasóz máslıhatynda.

Nur-Sultanda qandaı sharalar ótedi?

Osy joly qazaqstandyq jáne reseılik estrada juldyzdarynyń qatysýymen ótetin OPEN AIR, ashyq aspan astyndaǵy gala-konert, ortalyq alańdarda uıymdastyrylatyn jappaı saýyq-saırandy ótkizbeıtin boldy. Nur-Sultan qalasynyń mádenıet jáne sport basqarmasy taratqan málimetke sáıkes, qalanyń birneshe jerinde mádenı-sporttyq sharalar uıymdastyrylady.

  • Balalar shyǵarmashylyǵyna arnalǵan "Shattyq" halyqaralyq festıvali (Qalalyq alań, 10:00);
  • Kadetter arasyndaǵy kúres túrleri boıynsha Azııa chempıonaty ("Dáýlet" sport kesheni, 11:00);
  • Jaýyngerlik óner festıvali (Jekpe-jekter saraıy, 15:00);
  • Nur-Sultan ákiminiń kýbogy úshin karaokeden chemıonat (Esil ózeniniń jaǵasy, amfıteatr, 15:00);
  • Úrmeli orkestrler sherýi (Qalalyq alań, 16:00);
  • Boks keshi ("Barys-Arena" muz aıdyny, 17:00);
  • "Sovremennık" tearynyń gastroli (Beıbitshilik jáne kelisim saraıy, 17:00);
  • Kóshe bıine arnalǵan International Street dance Session in Astana festıvali (Qalalyq alań, 19:00);
  • Spirit of Eurasia halyqaralyq festıvali (EKSPO aımaǵy, 18:00).

Derekkóz: sputniknews.kz

"Adyrna" ulttyq portaly

Pikirler
Redakııa tańdaýy