Reseı prezıdenti Vladımır Pýtın Táýelsiz Memleketter Dostastyǵy úkimet basshylary keńesiniń otyrysynda halyqaralyq orys tili uıymy qyzmetiniń praktıkalyq máselelerin sheshý mańyzdy dep málimdedi, dep habarlaıdy “Adyrna” ulttyq portaly.
«Reseı óziniń TMD-ǵa tóraǵalyǵy kezinde ortaq muramyzdy – bizdiń elderde de, álemde de júzdegen mıllıon adamnyń ultaralyq qatynas tili bolǵan jáne bolyp qala beretin orys tilin saqtaý taqyrybyna erekshe kóńil bóledi», - dedi ol Táýelsiz Memleketter Dostastyǵy úkimet basshylary keńesiniń otyrysyna qatysýshylarǵa arnaǵan úndeýinde.
Sondaı-aq, ol 13 qazanda Bishkek sammıtinde Halyqaralyq orys tili uıymyn qurý týraly shartqa qol qoıylǵanyn aıta ketti.
«Shtab páteri Sochıde ornalasatyn bul qurylym TMD aıasynda da, odan tys jerlerde de ózara túsinistik pen erkin qarym-qatynastyń kilti retinde orys tilin qorǵap, nasıhattaýǵa kómektesedi. Qazir uıym qyzmetiniń praktıkalyq máselelerin sheshý, onyń negiz bolatyn qujattaryn ázirleý, sondaı-aq birinshi mınıstrlik konferenııasyn daıyndap, ótkizý mańyzdy», - dedi Pýtın.
