Qyrǧyzstan prezidentı Sadyr Japarov «şetel agentterı» turaly zaŋǧa qol qoidy, dep habarlaidy “Adyrna” ūlttyq portaly.
Japarov būǧan deiın qarsylyq tanytyp, «atalǧan zaŋǧa qol qoimaudy ötınıp» ükımettık emes ūiymdar men olardyŋ şeteldık ärıptesterı habarlasqanyn aitqan.
«Elımızde jūmys ısteitın ükımettık emes ūiymdar 30 jyl boiy eş jerde tırkelmei keldı. Eşkımge esep bermedı. Olar bankten esep-şot aşyp, şeteldık donorlardan aqşa alyp, öz esepterı üşın de paidalanyp keldı. Būdan bylai olar basqalar siiaqty Iýstisiia ministrlıgınde tırkeletın bolady. Bank esep-şotyn aşady. Endı olar aşyq jūmys ısteidı. Osyǧan deiıngıdei bei-berekttık bolmaidy»,-dedı Sadyr Japarov.
Prezident otandyq ÜEŪ şeteldık donorlardy aldap jatqanyn aitty.
«Donorlar osyndai qauesetke senıp qalyp, menen zaŋǧa qol qoimaudy ötındı. Memleket basşysy retınde eşqandai qudalau bolmaitynyna kepıldık beremın. Bız iadrolyq memleket emespız. Ǧaryşqa da ūşqaly jatqan joqpyz. Bızdıŋ memlekettıŋ sızderden, sızderdıŋ donorlaryŋyzdan jasyratyn qūpiiamyz joq. Bızde kez kelgen aqparatty aşyq derekközden tabuǧa bolady»,- dedı prezident.
Qyrǧyzstandyq BAQ jazuynşa, būl zaŋ qabyldanǧan soŋ şet elden qarjylanyratyn ūiymdar «şeteldık ökılder» dep atalady. Aita keteiık, Reseide osyǧan ūqsas zaŋ qabyldanyp, şetelden qarjylanatyn ūiymdar «inoagent» tızımıne engen edı. Mūndai ūiymdar jylyna kemınde bır ret jan-jaqty tekseruden ötedı.
Ūqsas jaŋalyqtar
