Qazaqstan syrtqy ister mınıstrligi Reseıde júrgen otandastarǵa jeke qujattaryn ózimen birge alyp júrýge keńes berdi. Bul týraly SIM resmı ókili Aıbek Smadııarov brıfıngte aıtty, dep habarlaıdy “Adyrna” ulttyq portaly.
"Azamattarymyzdyń ózimen birge jeke qujattary jáne sol elde bolý maqsaty bolǵany durys. Ázirge bizdiń elshilikke bireýdi ustady, zańsyz ustap otyr degen shaǵymdar túsken joq. Eger qandaı da bir tekserister bolsa, bul jaı ǵana tekseris", - deıdi Aıbek Smadııarov.
Aıtýynsha, Reseıde qaýipsizdikti kúsheıtý boıynsha qabyldanǵan sharalar – qalyptasqan jaǵdaıda qalypty praktıka.
"Óz aýmaǵynda iri terakt bolǵan kez kelgen memleket qaýipsizdikti qamtamasyz etý úshin sharalar qabyldaıdy, árıne. Jergilikti bılik te, sonyń ishinde quqyq qorǵaý organdary da qajetti sharalardy qolǵa alady. Sol sebepti bireýdi ustady jáne tekserip jatyr degen jańalyqtar – qalypty jaǵdaı", - dep túsindirdi Smadııarov.
Esterińizge salaıyq, 22 naýryzda Máskeý mańyndaǵy Krasnogorsk qalasyndaǵy "Krokýs Sıtı hollda" betperde kıgen belgisiz adamdar konert aldynda kórermenderge oq atqan bolatyn. Terakt saldarynan qaza bolǵandar sany 140 adamnan asty.