Arys qalasynda birde-bir balabaqsha jumys istep turǵan joq. Jarylys kezinde bilim oshaqtary ǵımarattarynyń barlyǵyna da zaqym kelgen. Bul týraly qala ákimi Murat Qadyrbektiń qatysýymen ótken brıfıngte aıtyldy.
«Jarylystan óz úıime de zaqym keldi» degen Arys qalasynyń ákimi aldymen halyqtyń baspanasyn jóndep berýge jaǵdaı jasamaq eken. Tilshilerdi qurylys barysymen tanystyrǵan Murat Qadyrbek qazir 700 — den astam úıdiń jóndelip jatqanyn jetkizdi. 180 baspana qalpyna keltirilgen. Jarylys kezinde qaladaǵy 30 balabaqshanyń barlyǵy búlingen. Bılik ókilderi 10 kún ishinde sonyń jartysyn iske qosamyz dep ýáde etti.
Sumdyq jarylystan halyq tek baspanalarynan ǵana emes mal-múlkinen de aıyryldy. Alaıda sheneýnikter múlkin ótep bermesek te turǵyndardyń kúnkórisine jarap turǵan mal sharýashylyǵyn rettýge qolǵabys jasaımyz dep otyr.
Al ótemaqy retinde beriletin 100 myń teńge áli jyr bolmasa deńiz. Sebebi, osyǵan deıin qarajatty alý úshin «turǵyndarǵa eshqaıda baryp, qujat jınaýdyń qajeti joq» degen atqaminerler halyqty ábiger etýge májbúr eken.
Ótemaqy jarylys kezinde zardap shekken qalaǵa japsarlas ornalasqan aýyldyq eldimeken turǵyndaryna da tıesili. Qujat qabyldaý merzimi shekteýsiz. Turǵyndar kez-kelgen ýaqytta kómekke ıek arta alady. Tek Arysta turǵylyqty tirkeýde bolý kerek.
Maqpal Rysbaeva
"Adyrna" ulttyq portaly
