Memleket basshysy Qasym-Jomart Toqaev Qytaıdan kelgen soń Premer-Mınıstr Oljas Bektenovpen jáne basqa da resmı tulǵalarmen kezdesý ótkizedi, dep habarlaıdy "Adyrna" ulttyq portaly Aqordanyń baspasóz qyzmetine siltep.
«Prezıdent Qasym-Jomart Toqaev Úkimet pen jergilikti atqarýshy organdardyń elimizdiń birqatar óńirlerindegi sý tasqynynyń saldaryn joıý jónindegi jumysyn baqylaýda», - delingen habarlamada.
Jaǵdaıdy taldaý nátıjeleri boıynsha daıyndyq sharalaryna qatyspaǵan jáne eldi mekenderdi sý basýǵa jol bergenderdi jumystan shyǵarýdy qosa alǵanda, tártiptik sharalar qoldanylatyny habarlandy.
Qazirgi ýaqytta halyqqa kómek kórsetý, adam óliminiń aldyn alý basty mindete turǵany aıtyldy.
«Bul sońǵy jyldardaǵy eń iri sý tasqyny. Endi eń bastysy – adamdardyń ómirin saqtap qalý jáne apattyń saldaryn azaıtý. Odan keıin jekelegen laýazymdy tulǵalardyń qyzmettik mindetterin oryndaý kezinde salǵyrttyq tanytýynyń yqtımal faktilerin anyqtaý maqsatynda tekserý júrgiziledi. Men bul máseleni Bas prokýrormen de talqyladym. Búgingi tańda barlyq kúsh sý tasqynyna qarsy jumystarǵa jumsalýda. Birqatar óńirlerde tótenshe jaǵdaı jarııalandy. Meniń birinshi orynbasarym Roman Vasılevıch Sklıar zardap shekken aımaqtarda jumys isteýde», - dedi Bektenov juma kúni.
Eske salaıyq, Toqaev Boao Azııa forýmynyń XXIII sessııasyna qatysý úshin Qytaıǵa jumys saparymen ketken bolatyn.
