Qarjy monıtorıngi agenttigi olıgarh Qaırat Boranbaevtyń aktıvteri týraly málimdeme jasady, dep habarlaıdy «Adyrna» tilshisi.
«Keı jekelegen BAQ ókilderiniń Qaırat Boranbaevtyń memleket paıdasyna aktıvterdi berýiniń jalǵandyǵy týraly taratqan aqparaty shyndyqqa janaspaıdy. Jarııalanǵan aqparattarǵa saı aktıvterdi memlekettik organdardyń balansyna berý proesi aıaqtaldy. Eki nysan boıynsha qaıta tirkeý rásimi ótkizilip jatyr»,—delingen habarlamada.
Eske salaıyq, 2023 jyly 15 qyrkúıekte Qaırat Boranbaev alty jylǵa bas bostandyǵynan aıyryldy. 14 qyrkúıek kúni QMA eks-sheneýniktiń memleketke 90 mlrd teńge qaıtarǵanyn málimdedi. Keıin Boranbaevtyń múlkin memleketke qaıtarý sharalary qabyldanyp, jalpy quny 1,4 mlrd teńgeden asatyn «Comfort Hotel Astana» qonaq úı keshenin memleket menshigine óz erkimen berý úshin tıisti ótinimder berdi. Keıin taǵy taǵy memleketke 30 mlrd teńge qaıtardy.
Qazan aıyndy memleket kirisine jalpy quny 33,75 mlrd teńge bolatyn keńse, saýda jáne oıyn-saýyq kesheni, sondaı-aq saýyqtyrý jáne fıtnes jelisi ótti. 19 qazan kúni Boranbaev óziniń ken ornyn, kompanııasyn jáne zaýytyn memleket menshigine berdi.
Kóptegen aktıvti qaıtarý kásipkerdiń jazasyn jeńildetýge ákeldi. 20 qazanda sot Boranbaevtyń ótinishin qanaǵattandyryp, jazanyń ótelmegen bóligin bas bostandyǵyn shekteýge aýystyrdy. 6 qarashada kásipker túrmeden bosatyldy.
