«Aq jol» Zeınetaqy qoryndaǵy kelesi alaıaqtyqty tekserýdi talap etti – osyndaı hat búgin QR Premer-Mınıstriniń Birinshi orynbasary-Qarjy mınıstri Álıhan Samıylovqa joldandy. Sóz azamattardyń zeınetaqy qoryndaǵy aqshasyn saqtaý men onyń ashyqtyqtyǵy týraly qozǵaldy, sebebi Biryńǵaı jınaqtaý zeınetaqy qory qurylǵannan keıin, keıbir jekemenshik zeınetaqy qorlary bolashaq zeınetkerlerdiń aqshasyn jumsap, olardy qaıtarmaǵany belgili boldy.
Mysaly, Biryńǵaı jınaqtaý zeınetaqy qorynyń resmı saıtyndaǵy aqparatqa sáıkes (https://www.enpf.kz/ru/.about/press-center/media-about-fund/?ELEMENT_ID=2856), 2017 jyldyń tamyzynda qor basshylyǵy tórt mıllıard teńge somasyn qaıtarý boıynsha merzimin ótkizip alýǵa baılanysty «Imstalkon» AQ laýazymdy tulǵalaryn qylmystyq jaýapkershilikke tartýdy talap etip, quqyq qurǵaý organdaryna ótinish jazǵan. Is QR Qarjy mınıstrliginiń Ekonomıkalyq tekseris departamentinde jatyr.
«Budan beri 2 jyl ótkenimen, qoǵam halyqtyń mıllıardtaǵan aqshasy ne bolǵany, olardyń tıis deńgeıde qoldanylmaýyna kim jaýapty ekendigi jáne onyń qaıtarylymy jóninde habarsyz.
Másele zeınetaqy qorynyń qarajaty – memleket sheshimimen mindettelgen salymy jóninde ekenin qaıtalap óteıik, ıaǵnı memleket halyq aldynda jaı jaýapty ǵana emes, ol salymshylarǵa qor týraly tolyq ári naqty aqparat berýge mindetti», - delinedi hatta.
«Aq joldyń» pikirinshe, «Imstalkon» jóninde taǵy bir eskeretin jaıt bar. Buqaralyq aqparat quraldarynyń jarııalanymdaryna qaraǵanda, aty shýly iske kompanııanyń úsh negizgi akıoneriniń ekeýi ǵana kúdikti dep tanylǵan – dırektorlar keńesiniń tóraǵasy Serik Esmuqanov pen bas dırektor Vladımır Kananyhın. Al úshinshi akıoner Mıhaıl Rezýnov áli de qurylys fırmasyn basqarýda, ıaǵnı aqshanyń joǵalýyna baılanysty esh qatysy joq degen sóz. Úshinshi kúdikti dep, ekonomıkalyq josparlaý bólimi basshysynyń orybasary (basshysy da emes), ıaǵnı qol qoıý quqyǵy joq jáne materıaldy jaýapkershilikke ıe emes tulǵa – Irına Kovchegova tanylýda. Osyǵan baılanysty júrgizilip jatqan tergeý jumystarynyń ádildigi kúmán týǵyzady.
Sondaı-aq, «Imstalkon» AQ-nyń BJZQ qarajatyna baılanysty aıla áreketi týraly jýrnalısterdiń maqalasy («Vremıa» gazeti) azamattyq sotta kelisilgen joq. Sot sheshimine sáıkes, kompanııanyń laýazymdy tulǵalaryna baılanysty eshqandaı qylmystyq is qozǵalmaǵan bolyp shyqty!
Mynadaı qyzyq jaǵdaı oryn alǵanyn kóremiz: Biryńǵaı jınaqtaý zeınetaqy qory BJZQ salymshylarynyń quqyǵyn qorǵaý talabymen quqyq qorǵaý organdaryna júgingen, tergeý jumystary eki jylǵa sozylýda, al bul máselege nazar aýdarǵan jýrnalısterdi sot arqyly úndemeýge májbúrleıdi.
Degenmen olardyń qoıǵan suraqtaryna jaýap berilýi tıis. Jáne ne sebepti tórt mıllıard teńgeniń joıylýy týraly tergeý isiniń sonshalyqty sozylyp jatqany túsiniksiz, bul Ekonomıkalyq tekseris departamenti qyzmetkerleriniń sylbyrlyǵy ma, álde basqa da bir sýbektıvti faktorlarǵa baılanysty ma? Múmkin is BJZQ qarajatynyń joǵalýyna tikeleı baılanysty tulǵalardy kelisilgen merziminen bosatyp, kelesi amnıstııanyń kútilýinen shegerelip jatqan bolar? Ókinishke qaraı, qoǵam osyndaı pikir de bildirýde.
Osyǵan baılanysty, «Aq jol» frakııasy Qarjy mınıstrliginen osy istiń barysy týraly mynadaı aqparattardy surady: kimderge aıyp taǵyldy; eger aıyp eshkimge taǵylmasa, ne sebepten taǵylmady; «Imstalkon» tórt mıllıardtyq qaryzyn Biryńǵaı jınaqtaý zeınetaqy qoryna qaıtara ma.
Aıta ketetin jaıt, «Aq joldyń» bastamasymen 2017 jyly bankrotqa ushyraǵan Ázirbaıjan bankiniń baǵaly qaǵazdaryn satyp alýǵa BJZQ qarjysy paıdanǵany týraly alaıaqtyq is áshkere bolǵan-tyn. Bul oqıǵadan soń, Perýashevtiń áleýmettik baspana salý týraly usynystary BAQ men áleýmettik jelilerde burmalanyp, «aqparattyq shabýyl» jasalǵan bolatyn.
«Aq jol» partııasynyń depýtattary sybaılas jemqorlyqqa qarsy kúreske, shetelge zańsyz aqsha shyǵarylýynyń aldyn alýǵa, memlekettik organnyń basqarýyndaǵy qarajattyń uqypty paıdalaný boıynsha jumystaryn jalǵastyrýda.
«Aq jol» partııasynyń baspasóz qyzmeti
